రెబల్ స్టార్ ప్రభాస్ స్థాయి ఏమిటో బాలీవుడ్ స్టార్ హీరోలకు ఇప్పటికే ఒక క్లారిటీ వచ్చి ఉంటుంది. బాహుబలి విడుదలైనప్పుడు సల్మాన్ ఖాన్, షారుక్ ఖాన్ కాస్త అసూయతోనే ఆ సినిమా గురించి పెద్దగా స్పంధించలేదనే కామెంట్స్ వచ్చాయి. ఇక ఆ సినిమా తరువాత కూడా ప్రభాస్ తెలుగు సినిమా స్థాయి మరింత పెరిగేలా ఆది పురుష్ అనే సినిమా చేయడానికి సిద్ధమయ్యాడు.
ఓం రావత్ దర్శకత్వంలో తెరకెక్కనున్న ఆ సినిమా రామాయణం బ్యాక్ డ్రాప్ లో రూపొందనున్నట్లు ఇప్పటికే ఒక క్లారిటీ వచ్చేసింది. చిత్ర యూనిట్ అఫీషియల్ గా ఎనౌన్స్ చేయలేదు గాని పోస్టర్స్ చూస్తేనే క్లారిటీగా అర్ధమవుతోంది. ఇక అందులో రాముడిగా ప్రభాస్ కనిపిస్తే రావణుడి పాత్ర కోసం బాలీవుడ్ నటుడు సైఫ్ అలీ ఖాన్ నటిస్తాడట. ఇప్పటికే తానజీ సినిమాలో విలన్ గా కనిపించిన సైఫ్ ఇప్పుడు మరో నెగిటివ్ రోల్ కోసం గ్రీన్ సిగ్నల్ ఇచ్చినట్లు తెలుస్తోంది. మరి ఇది ఎంతవరకు నిజమో తెలియాలి అంటే మరికొన్ని రోజులు వెయిట్ చేయాల్సిందే.
