ఇటీవల విడుదలైన క్రాక్ సినిమాతో విజయాన్ని అందుకున్న మాస్ మహారాజా రవితేజ.. ఇప్పుడు మరో సినిమాతో ప్రేక్షకుల ముందుకు వచ్చేందుకు రెడీ అయ్యాడు. ప్రస్తుతం రమేశ్ వర్మ తెరకెక్కిస్తున్న ఖిలాడీ సినిమాలో రవితేజ నటిస్తున్న విషయం తెలిసిందే. మే 28న ఈ సినిమా థియేటర్లలో విడుదల చేయనున్నట్లు మేకర్స్ ఇటీవల ప్రకటించారు. ప్రస్తుతం ఈ సినిమా షూటింగ్ వైజాగ్‌లో శరవేగంగా జరుగుతోంది. పక్కా మాస్ ఎంటర్‌టైనర్‌గా దీనిని తెరకెక్కిస్తున్నట్లు తెలుస్తోంది.
ఇందులో డింపుల్ హయాతి, మీనాక్షి చౌదరి హీరోయిన్లుగా నటిస్తున్నారు. ఇందులో యాక్షన్ హీరో అర్జున్ కీలక పాత్రలలో నటిస్తున్నట్లు ఇటీవల సినిమా యూనిట్ అధికారికంగా ప్రకటించింది. ఈ సందర్భంగా ఖిలాడి సెట్‌లో అర్జున్ అడుగుపెడుతున్న ఒక ఫొటోని మేకర్స్ విడుదల చేశారు.
అయితే తాజాగా ఈ సినిమాకి సంబంధించి మరో అప్డేట్ వచ్చింది. ఇందులో నటుడు ఉన్ని ముకుందన్ నటించనున్నట్లు మేకర్స్ ఇవాళ ప్రకటించారు. గతంలో జనతా గ్యారేజ్ సినిమాలో ఉన్ని ముకుందన్ కీలక పాత్రలో నటించాడు.
