పవర్‌స్టార్ పవన్ కళ్యాణ్, టాప్ డైరెక్టర్ త్రివిక్రమ్ శ్రీనివాస్ ఎంత స్నేహంగా ఉంటారో స్పెషల్ గా చెప్పనవసరం లేదు. ఇక సీతారా ఎంటర్టైన్మెంట్స్ నిర్మించనున్న మలయాళ చిత్రం అయ్యప్పనమ్ కోషియం కథ పవన్ దగ్గరకు చేరడానికి ముఖ్య కారణం త్రివిక్రమ్ అని తెలుస్తోంది. అయితే సాగర్ చంద్ర దర్శకుడిగా ఉన్న ఈ సినిమాపై నిన్న అధికారిక ప్రకటన వచ్చింది. అసలైతే ఈ రీమేక్‌కి త్రివిక్రమ్ దర్శకత్వం వహించాలని పవికన్ కళ్యాణ్ కోరుకున్నారు, కాని త్రివిక్రమ్ చాలా సంశయించడని టాక్.
ముందు చేస్తానని కొంత పాజిటివ్ గా కనిపించినప్పటికి ఆ తరువాత మళ్ళీ రిజెక్ట్ చేశారట. త్రివిక్రమ్ తన తదుపరి సినిమాను ఎన్టీఆర్ తో చేస్తున్న విషయం తెలిసిందే.ఆ సినిమాను ప్రారంభించడానికి అతనికి తగినంత సమయం ఉంది. అందుకే పవన్ స్పెషల్ గా రిక్వెస్ట్ చేసినప్పటికీ మాటల మాంత్రికుడు రిజెక్ట్ చేసినట్లు సమాచారం. అయితే త్రివిక్రమ్ రీమేక్‌లపై పెద్దగా ఇంట్రెస్ట్ చూపడని అందరికి తెలిసిందే. పైగా అప్పటికే సాగర్ చంద్ర స్క్రిప్ట్ కోసం చాలా రోజులుగా హోమ్ వర్క్ చేశాడు. సినిమా చివరి దశలో సెట్స్ పైకి వస్తుండగా మళ్ళీ తాను డైరెక్ట్ చేయడం కరెక్ట్ కాదని త్రివిక్రమ్ పవన్ కళ్యాణ్ కి వివరణ ఇచ్చినట్లు సమాచారం.
