గత ఏడాది వరకు వినాయకచవితి అనగానే ఒక్కసారిగా దేశమంతా హడావుడిగా కనిపించింది. కానీ ఈ సారి కరోనా వైరస్ కారణంగా భక్తులు బహిరంగ పూజా కార్యక్రమాలకు దూరం కావాల్సి వస్తోంది. వీలైనంత వరకు ఇంట్లోనే మట్టి గణపతి విగ్రహాన్ని, పసుపు వినాయకుడిని ప్రతిష్టించి నవరాత్రి వేడుకలను జరుపుకుంటున్నారు.
ఇక సినీ తారలు ఇంట్లోనే ఉంటూ గణేష్ చతుర్దతి వేడుకలను సింపుల్ గా సెలబ్రేట్ చేసుకుంటున్నారు. మెగాస్టార్ చిరంజీవి పుట్టినరోజు కూడా నేడే కావడంతో మెగా ఫ్యామిలిలో ఒకేసారి రెండు పండగలు వచ్చాయి. రామ్ చరణ్ ఉపాసనలతో కలిసి మెగాస్టార్ దంపతులు పూజా కార్యక్రమాలు నిర్వహించారు. ఇక ఘట్టమనేని మహేష్ బాబు ఫ్యామిలీతో కలిసి గణేష్ పూజను నిర్వహించారు. ఇక అక్కినేని, నందమూరి అలాగే అల్లు అర్జున్ కుటుంబ సభ్యులు కూడా ఇంట్లోనే మట్టి గణపతిని ప్రతిష్టించి సోషల్ మీడియాలో ఫొటోలు షేర్ చేశారు. అందుకు సంబంధించిన ఫొటోలు కూడా ఇప్పుడు సోషల్ మీడియాలో వైరల్ అవుతున్నాయి.
