న్యాచుర‌ల్ స్టార్ నాని, శివ నిర్వాణ కాంబోలో తెర‌కెక్కుతున్న చిత్రం ట‌క్ జ‌గ‌దీష్‌. ఇదివ‌ర‌కు వీరిద్ద‌రు క‌లిసి చేసిన చిత్రం నిన్నుకోరి హిట్ మూవీగా నిలిచింది. తాజాగా శ‌నివారం ట‌క్ జ‌గ‌దీష్‌ సినిమా విడుదల తేదీని ప్ర‌క‌టించారు. ఏప్రిల్ 16న ఈ సినిమా ప్రేక్ష‌కుల ముందుకు తీసుకు రానున్న‌ట్టు చిత్ర‌బృందం తెలిపింది. ఈ సంద‌ర్భంగా విడుదల చేసిన పోస్ట‌ర్‌లో స‌కుటుంబ స‌ప‌రివార స‌మేతంగా నానిని పెళ్లికొడుకును చేస్తున్నట్టు క‌నిపిస్తుంది. అలాగే జ‌గ‌ప‌తిబాబు, న‌రేశ్, నాజ‌ర్‌, రావు ర‌మేశ్‌, రోహిణి వంటి వారు ఈ సినిమాలో న‌టించారు.
ఇక ఈ చిత్రంలో నానికి జోడీగా రీతూవ‌ర్మ, ఐశ్వ‌ర్య రాజేశ్ హీరోయిన్ల్‌గా న‌టిస్తుండ‌గా.. షైన్స్ స్క్రీన్స్ ప‌తాకంపై నిర్మిస్తోన్న ఈ చిత్రానికి ఎస్.ఎస్ థ‌మ‌న్ సంగీతాన్ని స‌మ‌కురుస్తున్నారు. ఈ మూవీ షూటింగ్ ఫినిష్ కాగానే త‌న త‌దుప‌రి సినిమా శ్యామ్ సింగ రాయ్ స్టార్ట్ చేయ‌బోతున్నారు నాని. ఈ చిత్రాన్ని టాక్సీవాలా ఫేమ్ రాహుల్ సాంకృత్యాన్ ద‌ర్శ‌కత్వంలో స‌త్య‌దేవ్ జంగా అందించిన పీరియాడిక‌ల్ ఫిక్ష‌న్ క‌థ‌తో ఈ శ్యామ్ సింగ రాయ్ సినిమా ప్రేక్ష‌కుల ముందుకు రానుంది. ఇక ఈ చిత్రంలో నాని స‌ర‌స‌న సాయిప‌ల్ల‌వి, ఉప్పెన ఫేం క్రితి శెట్టి హీరోయిన్ల‌గా న‌టించ‌నున్నారు.
