“కోర్ట్” చిత్రంతో కెరీర్ బెస్ట్ బ్లాక్ బస్టర్ అందుకున్న వెర్సటైల్ స్టార్ ప్రియదర్శి టైటిల్ రోల్ ప్లే చేసిన చిత్రం “సారంగపాణి జాతకం”. “జెంటిల్ మ్యాన్, సమ్మోహనం” చిత్రాల అనంతరం ఇంద్రగంటి మోహనకృష్ణ – శివలెంక కృష్ణప్రసాద్ కలయికలో తెరకెక్కిన ఈ చిత్రం ఏప్రిల్ 18న ప్రేక్షకుల ముందుకు వస్తోంది. ఈ సందర్భంగా ఏర్పాటు చేసిన మీడియా సమావేశంలో హీరో ప్రియదర్శి, హీరోయిన్ రూపా కొడవాయూర్, దర్శకుడు ఇంద్రగంటి మోహనకృష్ణ, నిర్మాత శివలెంక కృష్ణప్రసాద్, ఛాయాగ్రాహకుడు పి.జి.విందా, ఈ చిత్రంలో ముఖ్యపాత్రలు పోషించిన అవసరాల శ్రీనివాస్, సాయి శ్రీనివాస్ వడ్లమాని, అశోక్ కుమార్, ప్రదీప్ రుద్ర, నివితా మనోజ్, సమీర భరద్వాజ పాల్గొన్నారు.
చిత్ర ఛాయాగ్రాహకుడు పి.జి.విందా మాట్లాడుతూ… “అష్టాచెమ్మా, అమీతుమీ” తర్వాత ఇంద్రగంటి గారితో నేను చేసిన మూడో సినిమా “సారంగపాణి జాతకం”. శ్రీదేవి మూవీస్ లో కూడా నాకిది మూడో చిత్రం. మళ్ళీ మళ్ళీ చూడాలనిపించేంత మంచి సినిమా ఇది. ఈ చిత్రానికి పని చేయడం నాకు గర్వకారణం. దర్శి నుంచి కోరుకునే కామెడీ ఇందులో పుష్కలంగా ఉంటుంది” అన్నారు.
ఈ చిత్రంలో ఓ ముఖ్యపాత్ర పోషించిన అవసరాల శ్రీనివాస్ మాట్లాడుతూ… “ఇంద్రగంటి మోహన్ కృష్ణ గారి సినిమాల్లో భాగం కావడం ఓ అదృష్టంగా భావిస్తాను. ఇందులో జాతకాలు చెప్పే మోడరన్ స్వామిగా ఎంటర్టైన్ చేస్తాను” అన్నారు.
నిర్మాత శివలెంక కృష్ణప్రసాద్ మాట్లాడుతూ… “నిర్మాతగా నా సెకండ్ ఇన్నింగ్స్ ఇంద్రగంటి మోహన్ కృష్ణ “జెంటిల్ మ్యాన్”తో స్టార్ట్ అయ్యింది. “సమ్మోహనం”తో విజయపరంపర కొనసాగింది. సమంత “యశోద” కూడా మంచి విజయం సాధించింది. “సారంగపాణి జాతకం” మా ఇద్దరి కాంబినేషన్ లో వస్తున్న మూడో సినిమా. మోహన్ ఈ కథ చెప్పిన మరుక్షణమే ఓకే చెప్పేశాను. మంచి రిలీజ్ డేట్ కోసం విడుదల వాయిదా వేశాం. ఎందుకంటే సకుటుంబ సమేతంగా చూసి ఆస్వాదించాల్సిన మంచి సినిమా ఇది. నేను భగవంతుడ్ని, జాతకాల్ని నమ్ముతాను. మన నమ్మకమే మనల్ని నడిపిస్తుంది. ఈ చిత్రం వాయిదా పడడం, ఇప్పుడు సమ్మర్ లో… కోర్ట్ బ్లాక్ బస్టర్ తర్వాత విడుదలవుతుండడం భగవదేచ్ఛగా భావిస్తున్నాను. ఈ సినిమా చూశాక… “కృష్ణప్రసాద్ మామూలోడు కాదు” అంటారు. నిర్మాతగా నా 40 ఏళ్ల అనుభవంతో చెబుతున్న మాట ఇది. నిర్మాతగా ఇప్పటికే నాకున్న పేరు, పరపతి పెంచే గొప్ప చిత్రం సారంగ పాణి జాతకం. ఒక గొప్ప సినిమా చేశాననే గర్వంతో చెబుతున్నాను. ఏప్రిల్ 18న మీ ముందుకు తీసుకు వస్తున్నాం. ఫ్యామిలితోపాటు యూత్ ను కూడా ఆకట్టుకునే సినిమా ఇది” అన్నారు.
చిత్ర దర్శకుడు మోహన్ కృష్ణ ఇంద్రగంటి మాట్లాడుతూ… “బందిపోటు” తర్వాత కూడా నన్ను నమ్మి కృష్ణప్రసాద్ గారు నాతో “జెంటిల్ మ్యాన్” చేశారు. “అమీతుమీ” తర్వాత చాలా గ్యాప్ తో నేను చేసిన ఫుల్ లెంగ్త్ కామెడీ ఎంటర్టైనర్ “సారంగపాణి జాతకం”. “కోర్ట్” తర్వాత “న్యాయ ప్రియదర్శి” అనిపించుకున్న మా హీరో… ఈ చిత్రంతో మరోసారి “హాస్యప్రియదర్శి” అనిపించుకుంటాడు. ఇందులో అందరూ తెలుగువారే నటించారు. ఎవరి డబ్బింగ్ వాళ్ళు చెప్పుకున్నారు. ఈ చిత్రాన్ని వాయిదా వేయడం శివలెంక గారు తీసుకున్న సరైన నిర్ణయం. ఇందులో కామెడీ మాత్రమే కాదు, కథ కూడా ఉంది. ఈ చిత్రానికి పనిచేసిన నటీనటులు-సాంకేతిక నిపుణులు అందరికీ పేరుపేరునా కృతజ్ఞతలు. ఫ్యామిలీ మొత్తం హాయిగా చూడాల్సిన సినిమా “సారంగపాణి జాతకం”. ఏప్రిల్ 18న మీ ముందుకు వస్తోంది” అన్నారు.
చిత్ర కథానాయకి రూపా కొడవాయూర్ మాట్లాడుతూ… “ఇంద్రగంటి గారి దర్శకత్వంలో నటించే అవకాశం రావడం నా అదృష్టం. శివలెంక గారు సినిమాను ప్రేమిస్తూ నిర్మిస్తారు. అందరి ఆర్టిస్టులు డైలాగ్స్ ఆయనకు కంఠోపాఠం. ఈ సినిమాతో నా తెలుగు మరింత మెరుగుపడింది. ఈ చిత్రంలో నా కొత్త రూపాన్ని చూస్తారు. పరీక్షలతో ప్రెజర్ ఫీలయి ఉన్న ఫ్యామిలీస్ అంతా హ్యాపీగా చూడాల్సిన సినిమా” అన్నారు.
చిత్ర కథానాయకుడు ప్రియదర్శి మాట్లాడుతూ… “ఈ చిత్రాన్ని మా నిర్మాత ఎంత నమ్ముతున్నారో… నేను అంతకంటే ఎక్కువగా నమ్ముతున్నాను. ఇంద్రగంటి గారి సినిమాలో నటించాలన్నది నా పదేళ్ల కల. ఓ నటుడిగా ఈ సినిమా నాకు ఎంతో నేర్పింది. సక్సెస్ మీట్ లో మరిన్ని సంగతులు పంచుకుంటాను” అన్నారు.
ఈ చిత్రంలోనటించే అవకాశం లభించడం పట్ల సంతోషాన్ని వ్యక్తం చేశారు అశోక్ కుమార్, సాయి శ్రీనివాస్ వడ్లమాని, సమీర భరద్వాజ, నివితా మనోజ్. ఈనెల 18న విడుదలవుతున్న “సారంగ పాణి” చిత్రాన్ని తప్పక చూడాలని విజ్ఞప్తి చేశారు. శ్రీదేవి మూవీస్ నుంచి ఏప్రిల్ 4న రీ రిలీజ్ అవుతున్న “ఆదిత్య 369″కు ప్రేక్షకులు మరోసారి బ్రహ్మరథం పట్టడం ఖాయమని పేర్కొన్నారు.
అనంతరం మీడియా ప్రతినిధులు అడిగిన ప్రశ్నలకు ప్రియదర్శి బదులిస్తూ… “నిజానికి నేను “కోర్ట్”కు ముందే కమిట్ అయిన సినిమా “సారంగపాణి”. డిసెంబర్ లోనే విడుదల కావాల్సిన సినిమా. నేనున్నాని. నామీద నమ్మకంతో నా సినిమాలకు వచ్చే ఎవరూ డిజప్పాయింట్ అవ్వకూడదని నేను కోరుకుంటాను. ఏ క్యారక్టర్ చేసినా ఎంటర్టైన్ చేయడమే లక్ష్యం.
ఈ సినిమా కోసం స్టొరీ నేరేషన్ సెషన్ లో పార్టీసిపెట్ చేశాక… ఇంద్రగంటి గారిపై గౌరవం మరింత పెరిగింది. ఇకపై నా సినిమాలు అన్నిటికీ స్టొరీ నేరేషన్ సెషన్ సజెస్ట్ చేయాలని అనుకుంటున్నాను.
“కోర్ట్” చూసి మెగాస్టార్ చిరంజీవి గారు మా టీమ్ ని ఇంటికి ప్రత్యేకంగా పిలిపించుకుని ప్రశంసల వర్షం కురిపించారు. పేరుపేరునా ప్రతి ఒక్కరినీ ప్రశంసించారు. “సారంగపాణి” చూశాక… మళ్లీ మెగాస్టార్ నుంచి మా “సారంగపాణి” బృందానికి పిలుపు వస్తుందని కాన్ఫిడెంట్ గా చెప్పగలను”.
ఇంద్రగంటి బదులిస్తూ… నమ్మకం మంచిదే. మూఢ నమ్మకం మంచిది కాదనే విషయాన్ని వినోదాత్మకంగా చెప్పాం. మన జీవితం.. మన చేతుల్లోని రేఖలు బట్టి కాదు… మన చేతల్లో రీతులు బట్టి ఉంటుందని చెప్పాం. ఎవరి మనోభావాలు కించపరిచే ఉద్దేశ్యం మాకు లేదు. ఈ చిత్రానికి ఓ ఆంగ్ల కథ ప్రేరణ. చంద్రుడ్ని చేరుకునేంత సైన్స్ ఒకవైపు… పాతకాలాన్ని మించిపోయే మూఢ నమ్మకాలు మరోవైపు. ఈ రెంటి మధ్య వైరుధ్యాన్ని ఇందులో చూపించే ప్రయత్నం చేశాం” అన్నారు.
శివలెంక కృష్ణప్రసాద్ బదులిస్తూ… “ఆదిత్య 369” రీ రిలీజ్ చేయాలని ఎప్పటి నుంచో అనుకుంటున్నా… ఇప్పటికి కుదిరింది. నా సమకాలిక నిర్మాతలు చాలామంది రిటైరైనా నేను ఇంకా యాక్టివ్ గా ఉండడానికి కారణం… సినిమా అంటే నాకున్న ఫ్యాషన్… పిచ్చి. మ్యాజిక్ తోపాటు లాజిక్ ఉన్న సినిమా “సారంగపాణి జాతకం” అన్నారు.
అవసరాల శ్రీనివాస్ బదులిస్తూ.. నా పాత్రకు వేణు స్వామి కచ్చితంగా ప్రేరణ కాదు. ఇప్పటివరకు నేను చేయని ఒక డిఫరెంట్ పాత్ర. ప్రతి ఒక్కరూ ఎంజాయ్ చేస్తారు” అన్నారు.
