చిరంజీవి-కొరటాల శివ కాంబినేషన్‌లో తెరకెక్కుతున్న సినిమా ఆచార్య. శుక్రవారం విడుదలైన ఈ సినిమా టీజర్ యూట్యూబ్‌లో ట్రెండింగ్ సృష్టిస్తోంది. ప్రస్తుతం 7 మిలియన్ల వ్యూస్‌లో యూట్యూబ్‌ ట్రెండింగ్‌లో నెంబర్ వన్ స్థానంలో కొనసాగుతోంది. ఈ సినిమా షూటింగ్ ప్రస్తుతం శరవేగంగా జరుగుతుండగా.. దీని కోసం హైదరాబాద్ శివారులోని కోకాపేటలో అతిపెద్ద భారీ సెట్‌ను మేకర్స్ వేశారు. తాజాగా తెలంగాణ మంత్రి పువ్వాడ అజయ్ కుమార్ ఈ భారీ సెట్‌ను సందర్శించారు. ఈ సందర్భంగా మెగాస్టార్ చిరంజీవి, డైరెక్టర్ కొరటాల శివతో మాట్లాడారు.
సినిమా యూనిట్‌కి పువ్వాడ ఆల్ ది బెస్ట్ చెప్పారు. ఆచార్య సెట్‌ను సందర్శించి చిరు, కొరటాల శివతో మాట్లాడిన ఫొటోలను పువ్వాడ సోషల్ మీడియాలో షేర్ చేశారు. ఈ సినిమా విజయం సాధించాలని కోరుకుంటున్నట్లు తెలిపారు. కాగా ఈ సినిమాలో కాజల్ అగర్వాల్ హీరోయిన్‌గా నటిస్తుండగా.. మణిశర్మ మ్యూజిక్ అందిస్తున్నాడు.
