కలర్ ఫోటోతో అందరినీ ఆకట్టుకొని ‘రైటర్ పద్మభూషణ్‌’తో బిగ్ సక్సెస్ ని సాధించిన సుహాస్ మరో కంటెంట్‌ రిచ్ సినిమాకి సైన్ చేశారు. త్రిశూల్ విజనరీ స్టూడియోస్ బ్యానర్‌పై ప్రొడక్షన్ నంబర్ 2గా బి నరేంద్ర రెడ్డి నిర్మించనున్న ఈ న్యూ వెంచర్‌కు గోపి ఆచార దర్శకత్వం వహిస్తున్నారు. ‘రైటర్ పద్మభూషణ్‌’ తో ప్రశంసలు అందుకున్న షణ్ముక ప్రశాంత్ ఈ చిత్రానికి కథను అందిస్తున్నారు.
ఈ చిత్రం అవుట్ అండ్ అవుట్ ఫన్ రైడ్‌గా ఉండబోతోంది. అద్భుతమైన కామెడీ టైమింగ్‌కు పేరుపొందిన సుహాస్ ఈ చిత్రంలో హిలేరియస్ పాత్రను పోషిస్తున్నారు. ఈ చిత్రానికి సంబంధించిన ప్రీ-ప్రొడక్షన్ పనులు మూడు నెలల్లో ముగుస్తాయని, జూలైలో రెగ్యులర్ షూటింగ్ ప్రారంభం కానుందని మేకర్స్ తెలిపారు. నటీనటులు,సిబ్బందికి సంబంధించిన మరిన్ని అనౌన్స్ మెంట్ త్వరలో రానున్నాయి.
తారాగణం: సుహాస్
సాంకేతిక సిబ్బంది:
బ్యానర్: త్రిశూల్ విజనరీ స్టూడియోస్
నిర్మాత: బి నరేంద్ర రెడ్డి
దర్శకత్వం: గోపీ ఆచార
కథ: షణ్ముక ప్రశాంత్
పీఆర్వో: వంశీ-శేఖర్
