బాలీవుడ్ నటుడు సోనూ సూద్ లాక్ డౌన్ మొదలైనప్పటి నుంచి కూడా పేదలకు సహాయం అందిస్తున్న విషయం తెలిసిందే. భవిష్యత్తులో కూడా వీలైనంత వరకు కష్టాల్లో ఉన్న వారిని ఆదుకోవడానికి తాను సిద్ధమేనని చెప్పిన సోనూ సూద్ కి వేలాది సంఖ్యలో అభ్యర్థనలు వస్తున్నాయి. ఆ విషయాన్ని ఇటీవల సోషల్ మీడియా ద్వారా తెలియజేశారు.
1137 మెయిల్స్, 19000 ఎఫ్‌బి సందేశాలు, 4812 ఇన్‌స్టా సందేశాలు, 6741 ట్విట్టర్ సందేశాలు. ఒక్క రోజులోనే ఈ స్థాయిలో సహాయం కోసం అభ్యర్థనలు చేస్తున్నారు. ప్రతి ఒక్కరి సందేశానికి నేను స్పందించకపోవచ్చు. ఇది ఎవరికి సాధ్యం కాని పని. దయచేసి ఎవరినైనా మిస్ చేసి ఉంటే క్షమించమని కోరుతున్నా. కానీ తప్పకుండా వీలైనంత వరకు పేద వారికి సహాయం చేయడానికి కృషి చేస్తాను అని సోనూ సూద్ వివరణ ఇచ్చారు. ప్రస్తుతం అందుకు సంబంధించిన ట్వీట్ సోషల్ మీడియాలో వైరల్ గా మారింది.
