రామ్ గోపాల్ వర్మ దర్శకత్వం వహించిన ది ఐకానిక్ శివ 31 సంవత్సరాల క్రితం 1989 అక్టోబర్ 5న విడుదలైంది. నాగార్జున
కెరీర్ కి ఒక యూ టర్న్ ఇచ్చిన ఆ సినిమాలో ఆయన భార్య అమల హీరోయిన్ గా నటించిన విషయం తెలిసిందే. ఈ సినిమాలో ఎంతోమంది స్టార్ యాక్టర్స్ నటించారు. జెడి చక్రవర్తి, కోట శ్రీనివాస రావు, గొల్లపుడి మారుతి రావు, తనికెల్ల భరణి, శుభలేఖ సుధాకర్, బ్రహ్మజీ వంటి స్టార్స్ ముఖ్య పాత్రల్లో నటించారు.
సరికొత్త ట్రెండ్ సెట్ చేసిన ఈ సినిమా వచ్చి నేటికి 31సంవత్సరాలు అయ్యింది. ఈ సందర్భంగా అభిమానులు సినీ ప్రముఖులు ఈ సినిమా సంగతులను గుర్తు చేసుకుంటున్నారు. ఇక ఈ సినిమా తెరపైకి రావడానికి కారణం నాగార్జున అనే చెప్పాలి. ఎందుకంటే అప్పట్లో డైరెక్షన్ లో పెద్దగా అనుభవం లేని ఆర్జీవిని నమ్మింది కేవలం నాగార్జున మాత్రమే. ఆయన కథ చెప్పగానే సొంత ప్రొడక్షన్ లోనే సినిమాను సెట్స్ పైకి తెచ్చారు. పెద్దగా అంచనాలు లేకుండా విడుదలైన ఆ సినిమా సరికొత్త రికార్డులను క్రియేట్ చేసింది. ఆ సినిమా వచ్చి మూడు పదుల వసంతాలు అయినా ఇంకా చాలా మంది దర్శకులకు ఒక ప్రేరణగా నిలుస్తోంది.
