సంజయ్ దత్ కి ఇటీవల క్యాన్సర్ ఉందని తెలియగానే చాలా మంది అభిమానులు ఒక్కసారిగా షాక్ కి గురయ్యారు. ఇక సినీ తారలు కూడా ఆయన త్వరగా కోలుకోవాలని దేవుడిని ప్రార్థిస్తున్నట్లు సోషల్ మీడియా ద్వారా తెలియజేస్తున్నారు. అయితే అంధరికంటే ఎక్కువగా ఇప్పుడు సంజాయ్ మీద ఆధారపడిన చిత్ర యూనిట్ సభ్యులు టెన్షన్ లో పడ్డారు.
ముఖ్యంగా KGF 2 టీమ్ తీవ్రమైన సందిగ్ధంలో పడింది. ఎందుకంటే ఆ సినిమాకు సంబంధించిన షూటింగ్ ఇంకా పూర్తి కాలేదు. అధిరా పాత్రలో సంజయ్ పూర్తి చేయాల్సిన షూటింగ్ ఇంకా కొంత మిగిలి ఉంది. అయితే ఇప్పుడు సంజయ్ ఊపిరితిత్తులకు సంబంధించిన క్యాన్సర్ ని తగ్గించుకోవడానికి అమెరికా బాట పట్టనున్నారు. అక్కడ ఎన్ని నెలలు ట్రీట్మెంట్ ఉంటుందో తెలియదు.
కొందరు ఆరు నెలలు, మరికొందరు ఏడాది పొడవునా వైద్యుల సమక్షంలోనే చికిత్స అందుకున్నారు. సంజయ్ కూడా పరిస్థితులలో కొన్నాళ్ళ పాటు షూటింగ్స్ చేయకపోవడమే బెటర్ అని టాక్ వస్తోంది. దీంతో KGF 2 షూటింగ్ విషయంలో కొంత కన్ఫ్యూజన్ నెలకొంది. సినిమాని ఎలాగైనా ఈ ఎడాదిలోనే ఫినిష్ చేయాలని అనుకున్నారు. కానీ ఇప్పుడు కరోనా కంటే పెద్ద సమస్య వచ్చినట్లయ్యింది. మరి సంజయ్ ఎప్పుడు వస్తారో చూడాలి.
