సంజయ్ దత్ కి క్యాన్సర్ ఉందని తెలియడంతో చాలా మంది సినీ ప్రముఖులు ఒక్కసారిగా షాక్ కి గురయ్యారు. ముఖ్యంగా ఆయానతో సినిమాలు చేస్తున్న చాలా మంది నిర్మాతలకు ఏం చేయాలో అర్థం కావడం లేదు. సంజయ్ షూటింగ్స్ పూర్తి చేయాల్సిన సినిమాలు చాలానే ఉన్నాయి. ముఖ్యంగా KGF 2 మొత్తం ఆయన మీదే ఆధారపడి ఉంది.
కొంత షూటింగ్ ముగిస్తే ఆయనతో అవసరం తీరుతుంది. అయితే ఇప్పుడు సంజయ్ క్యాన్సర్ ట్రీట్మెంట్ కోసం అమెరికా వెళ్లనున్నారు. అందుకు ఏడాది సమయం పట్టినా ఆశ్చర్యపోవాల్సిన అవసరం లేదు. అయితే ముందుగా డబ్బింగ్ దశలో ఉన్న కొన్ని సినిమాల కోసం సంజయ్ వర్క్ చేయనున్నట్లు తెలుస్తోంది. మహేష్ భట్ సడక్ 2 త్వరలో హాట్ స్టార్ లో రిలీజ్ కానుంది. అయితే అమెరికా వెళ్లేముందు సంజయ్ ఆ సినిమా కోసం డబ్బింగ్ చెప్పనున్నట్లు తెలుస్తోంది. 1991లో వచ్చిన సడక్ సినిమాకు సీక్వెల్ గా వస్తున్న ఈ సినిమాలో అలియా భట్ తో పాటు ఆదిత్య రాయ్ కపూర్ కీలక పాత్రలో నటిస్తున్నాడు.
