రానా దగ్గుబాటి మిహీకా బజాజ్ వారి పెళ్లి వేడుకతో ఒక్కసారిగా జనాలని ఎట్రాక్ట్ చేశారు. సోషల్ మీడియాలో వారి ఫొటోలు చాలానే వైరల్ అవుతున్నాయి. రానా పెళ్లి విషయం చెప్పినప్పటి నుంచే వీరికి సంబంధించిన అనేక రకాల విషయాలు హాట్ టాపిక్ గా మారాయి. ఇక పెళ్లి వేడుకలు మొదలైనప్పటి నుంచి కూడా నాగ చైతన్య – సమంత అక్కినేని ఈవెంట్ లో స్పెషల్ ఎట్రాక్షన్ గా నిలిచారు.
ముఖ్యంగా సమంత చాలా సందడిగా కనిపిస్తూ పెళ్లికి ఒక అందమైన కళను తెచ్చింది. ఇక ఇటీవల ఆమె ఇన్స్టాగ్రామ్ పెళ్లికి సంబంధించిన కొన్ని స్పెషల్ ఫోటోలను షేర్ చేసింది. ఒక ఫొటోలో తన భర్తను హద్దుకొని స్మైల్ ఇవ్వగా మరో ఫొటోలో చైతు భార్యపై అక్షింతలు చల్లుతూ సరదాగా కనిపించాడు. ఇక మరొక ఫొటోలో సమంత దగ్గుబాటి పెద్దలతో స్పెషల్ గా కనిపించింది. అందులో ప్రతి ఒక్కరు పొందూరు చేనేత వస్త్రాలను ధరించారు. ఖద్దరు, హస్తకళలకు ప్రసిద్ధి చెందినది ఆ ప్రాంతం. ముఖ్యంగా భారతదేశంలో ఖాదీ వస్త్ర ప్రియులకు ఇష్టమైన ఖద్దరును తయారుచేసే ప్రాంతం కూడా అదే.
అలాంటి పొందూరులో చేతితో తయారుచేసిన ప్రత్యేకమైన చేనేత వస్త్రాలు ధరించినట్లు సమంత వివరణ ఇచ్చింది. ఈ విషయాన్ని కూడా సోషల్ మీడియాలో పేర్కొన్న ఈ సినియర్ నటి పెళ్లి వేడుకలో ప్రతి క్షణం ఎంతో సంతోషంగా గడిచిందని వివరణ ఇచ్చింది. ఆ ఫొటోలు ఇప్పుడు ఇంటర్నెట్ వరల్డ్ లో వైరల్ గా మారాయి.
