తన నటనతో ఎంతోమందిని ఫిదా చేసిన నేచురల్ బ్యూటీ సాయిపల్లవి.. తక్కువ కాలంలోనే స్టార్ హీరోయిన్‌గా పేరు తెచ్చుకుంది. తెలుగుతో పాటు తమిళంలో వరుస సినిమాలు చేస్తూ టాప్ హీరోయిన్‌గా కొనసాగుతోంది. తెలుగులో నాగచైతన్య-శేఖర్ కమ్ముల డైరెక్షన్‌లో వస్తున్న లవ్ స్టోరీ సినిమాలో నటించగా.. దీని షూటింగ్ ఇప్పటికే పూర్తి అయింది. ఇక ప్రస్తుతం రానా హీరోగా వస్తున్న విరాటపర్వంతో పాటు పవన్ కల్యాణ్ హీరోగా వస్తున్న అయ్యప్పనుమ్ కోషియమ్ సినిమాలో నటిస్తోంది.
అయితే ఈ క్రమంలో ఒక వార్త హాట్‌టాపిక్‌గా మారింది. ప్రముఖ కమెడియన్ కాళి వెంకట్ హీరోగా కోలీవుడ్‌లో ఒక సినిమా తెరకెక్కనుంది. ఈ సినిమాలో హీరోయిన్ కోసం సాయిపల్లవిని మేకర్స్ సంప్రదించినట్లు తెలుస్తోంది. సాయిపల్లవి కూడా ఇందులో నటించేందుకు ఒకే చెప్పినట్లు వార్తలొస్తున్నాయి. త్వరలో దీనిపై అధికారిక ప్రకటన వచ్చే అవకాశముంది.
