మహేష్ భట్ దర్శకత్వంలో తెరకెక్కిన సడక్ 2 నుంచి.. ఇష్క్ కమల్ అనే కొత్త సాంగ్ రిలీజ్ అయ్యింది. సంజయ్ దత్-పూజా భట్ తో పాటు ఆదిత్య రాయ్ కపూర్, అలియా భట్ ఈ సినిమాలో నటిస్తున్న నటిస్తన్నారు. 20 ఏళ్ళ క్రితం వచ్చిన సడక్ సినిమాకు ఈ సినిమా సీక్వెల్ గా రూపొందించిన విషయం తెలిసిందే. అయితే సాంగ్ ని కూడా అదే తరహాలోనే ఎట్రాక్ట్ చేసే విధంగా తెరకెక్కించినట్లు తెలుస్తోంది.
ఈ రొమాంటిక్ ట్రాక్‌ను సునీల్‌జీత్, జావేద్ అలీ పాడారు. కొన్ని రోజుల క్రితం విడుదలైన సడక్ 2 ట్రైలర్ ఆన్‌లైన్‌లో చాలా నెగెటివ్ బజ్ సంపాదించడంతో ఈ సినిమాకు సంబంధించిన ప్రతి ఒక్క విషయం వార్తల్లో నిలిచింది. ట్విట్టర్‌ లో ఎప్పటిలానే నెగిటివ్ కామెంట్స్ వస్తున్నాయి. ట్రైలర్ 11మిలియన్స్ డిజ్ లైక్స్ తో ప్రపంచంలోనే ఎక్కువగా ఇష్టపడని వీడియోగా మూడవ స్థానంలో నిలిచింది. అయినప్పటికీ చిత్ర యూనిట్ ఏ మాత్రం వెనక్కి తగ్గకుండా సాంగ్స్ తో ప్రమోషన్స్ డోస్ పెంచుతోంది. సడక్ 2 ఆగస్టు 28న డిస్నీ + హాట్‌స్టార్‌లో విడుదల కానున్న విషయం తెలిసిందే. ప్రస్తుతం ఊహించని విధంగా విమర్శలు అందుకుంటున్న ఈ సినిమా రిలీజ్ అనంతరం ఎలాంటి రిజల్ట్ ని అందుకుంటుందో చూడాలి.
