డైన‌మిక్ స్టార్ నితిన్ హీరోగా బ్రిలియంట్ డైరెక్ట‌ర్ వెంకీ కుడుముల ద‌ర్శ‌క‌త్వంలో రూపొందిన యాక్ష‌న్ ప్యాక్డ్ థ్రిల్ల‌ర్ ‘రాబిన్హుడ్’ మే10 నుంచి ప్రముఖ ఓటీటీ మాధ్య‌మం ZEE5లోకి వచ్చిన సంగతి తెలిసిందే. సినిమా చూసే ప్రేక్ష‌కులు ఉహించ‌లేని గ్రిప్పింగ్ స్టోరీ లైన్‌తో సాగే ఈ చిత్రంలో ప్రేక్ష‌కులు కోరుకునే హై ఓల్టేజ్ యాక్ష‌న్ కూడా ఉంటుంది. ఈ చిత్రం మే 10 నుండి ZEE5 లో ప్రత్యేకంగా స్ట్రీమింగ్ అవుతూ ఉంది. అయితే యాభై మిలియన్ స్ట్రీమింగ్ మినిట్స్‌తో ‘రాబిన్హుడ్’ దూసుకుపోయింది.
‘రాబిన్హుడ్’ క‌థ విష‌యానికి వ‌స్తే.. రామ్ (నితిన్) ఓ అనాథ, తెలివైన యువ‌కుడు. కొన్ని ప‌రిస్థితుల కార‌ణంగా త‌నొక రాబిన్‌హుడ్‌గా మారి ధ‌న‌వంతుల నుంచి డ‌బ్బ‌ను దొంగిలించి అవ‌స‌ర‌మైన వారికి సాయం చేస్తుంటాడు. అనుకోకుండా అంత‌ర్జాతీయ డ్ర‌గ్స్ సామ్రాజ్యానికి రాజ‌మైన వ్య‌క్తితో త‌ల‌ప‌డాల్సి వ‌స్తుంది. అక్క‌డి నుంచి రామ్ క‌థ ప్ర‌మాద‌క‌ర‌మైన మ‌లుపు తీసుకుంటుంది. త‌ను నీరా (శ్రీలీల)తో క‌లిసి అత్యంత ప్ర‌మాద‌క‌ర‌మైన దొంగ‌త‌నాలు, ప్రాణాంత‌క‌మైన స‌వాళ్ల‌ను ఎదుర్కొన‌టానికి సిద్ధ‌మ‌వుతాడు. అంతా బాగుంద‌ని భావిస్తున్న త‌రుణంలో క‌థ అతి పెద్ద ట్విస్ట్ తిరుగుతుంది. అప్పుడు రామ్, నీరా ఏం చేశారు? స‌మ‌స్య నుంచి ఎలా బ‌య‌ట‌ప‌డ్డారు? అనే ట్విస్ట్ ఏంటి? అనే అంశాలు ప్రేక్ష‌కుల‌ను ఎంతో ఉత్కంఠ‌త‌కు గురి చేస్తాయి.
థియేటర్లో మాస్ ఆడియెన్స్‌ను మెప్పించిన ‘రాబిన్హుడ్’ ప్రస్తుతం ఓటీటీ ఆడియెన్స్‌ను సైతం ఆకట్టుకుంటోంది. గత కొన్ని రోజులుగా ‘రాబిన్హుడ్’ ZEE5లో టాప్ ప్లేస్‌లో ట్రెండ్ అవుతున్న సంగతి తెలిసిందే. ఇక ఇప్పటికే ‘రాబిన్హుడ్’ 50 మిలియన్ల స్ట్రీమింగ్ మినిట్స్‌తో ఓటీటీలో సరి కొత్త రికార్డులు క్రియేట్ చేసింది.
మైత్రీ మూవీ మేకర్స్ బ్యానర్‌పై నవీన్ యెర్నేని, యలమంచిలి రవిశంకర్ నిర్మించిన ‘రాబిన్హుడ్’ చిత్రానికి ప్రముఖ సంగీత దర్శకుడు జివి ప్రకాష్ కుమార్ సంగీతం అందించారు.
