రవితేజ హీరోగా గోపిచంద్ మలినేని తెరకెక్కించిన ‘క్రాక్’ ట్రైలర్ న్యూ ఇయర్ సందర్భంగా నిన్న విడుదల చేసిన విషయం తెలిసిందే. ఇందులో రవితేజ డైలాగులు అసలు మాములుగా లేవు. ట్రైలర్‌లోని పవర్‌ఫుల్ డైలాగులు రవితేజ అభిమానులను విపరీతంగా ఆకట్టుకున్నాయి. దీంతో ఈ సినిమా కోసం మాస్ మహారాజా అభిమానులు ఆసక్తితో ఎదురుచూస్తున్నారు.
అయితే విడుదలకు ముందే క్రాక్ రికార్డులు సృష్టిస్తోంది. నిన్న విడుదలైన ట్రైలర్ భారీ వ్యూస్‌ను సంపాదించుకుంటోంది. కేవలం 20 గంటల్లోనే ఈ ట్రైలర్ 6.2 మిలియన్ల వ్యూస్ సాధించింది. అంతేకాకుండా రెండు లక్షలకుపైగా లైక్స్ సాధించింది. రవితేజ సినిమా కెరీర్‌లోనే ఇప్పటివరకు ఏ ట్రైలర్‌కు ఇంత భారీ వ్యూస్, లైక్స్ రాలేదు. ప్రస్తుతం యూట్యూబ్ ట్రెండింగ్‌లో నెంబర్ వన్ స్థానంలో ఇది కొనసాగుతోంది.
ఈ సినిమాలో పోలీస్ పాత్రలో రవితేజ నటించగా.. శృతిహాసన్ హీరోయిన్‌గా కనిపించనుంది. తమన్ మ్యూజిక్ అందించగా.. వరలక్ష్మీ శరత్ కుమార్, రవిశంకర్ కీలక పాత్రలలో నటించారు.
