ప్రస్తుతం షూటింగ్ జరుపుకుంటున్న సినిమా రిలీజ్ డేట్లను మేకర్స్ ఇప్పుడే ప్రకటిస్తున్నారు. గత కొద్దిరోజులుగా వరుసగా అన్ని సినిమా రిలీజే డేట్స్ వస్తున్నాయి. RRR, ఆచార్య, పుష్ప , గని, సిటీమార్ రిలీజ్ డేట్లు ఇప్పటికే ప్రకటించగా.. తాజాగా రానా నటిస్తున్న విరాట పర్వం రిలీజ్ డేట్ గురించి ఒక అప్డేట్ వచ్చింది.
విరాటపర్వం రిలీజ్ డేట్‌ను ఇవాళ సాయంత్రం 5.04 గంటలకు ప్రకటించనున్నట్లు సురేష్ ప్రొడక్షన్స్ ట్వీట్ చేసింది. ఈ రోజు సాయంత్రం 5.04 గంటలకు విరాటపర్వం రిలీజ్ డేట్ ప్రకటించబోతున్నాం.. వేచి చూడండి అంటూ సురేష్ ప్రొడక్షన్స్ ట్వీట్ చేసింది. రానా హీరోగా నటిస్తున్న ఈ సినిమాలో సాయిపల్లవి హీరోయిన్‌గా నటిస్తోంది. సురేష్ ప్రొడక్షన్స్ ఈ సినిమాను నిర్మిస్తోంది. వేణు ఊడుగుల ఈ సినిమాకు డైరెక్టర్‌గా వ్యవహరిస్తున్నాడు.
