దర్శకధీరుడు రాజమౌళి తెరకెక్కిస్తున్న బిగ్ బడ్జెట్ పాన్ ఇండియా మూవీ RRR ప్రేక్షకుల ముందుకు వచ్చే వరకు సినిమాకు సంబంధించిన వార్తలు వైరల్ అవుతూనే ఉంటాయని చెప్పవచ్చు. ఇక ఫైనల్ గా జూనియర్ ఎన్టీఆర్ పాత్ర యొక్క కొమురం భీమ్ టీజర్ ని కూడా చిత్ర యూనిట్ సిద్ధం చేసినట్లు అర్ధమయ్యింది. ఈ నెల 22న రామ్ చరణ్ వాయిస్ ఓవర్ తో భీమ్ ఫస్ట్ లుక్ టీజర్ ని రిలీజ్ చేయనున్నట్లు చెప్పిన చిత్ర యూనిట్ టైమ్ కూడా చెప్పేసింది.
గురువారం ఉదయం 11గంటలకు టీజర్ ని 5భాషల్లో విడుదల చేయనున్నారు. తమిళ్ లో జూనియర్ ఎన్టీఆర్, మలయాళంలో రామ్ చరణ్, కన్నడలో వారాహి మూవీస్,హిందీలో అజయ్ దేవగన్, తెలుగులో డివివి మూవీస్ యూ ట్యూబ్స్ ఛానెల్స్ లో టీజర్ ని విడుదల చేయనున్నారు. ప్రస్తుతం సినిమాకు సంబంధించిన స్పెషల్ పోస్టర్స్ బాగానే వైరల్ అవుతున్నాయి. ఇక టీజర్ విడుదలయ్యింది అంటే ఏ రేంజ్ లో వైరల్ అవుతుందో చూడాలి. ఇక సినిమా రిలీజ్ డేట్ ను షూటింగ్ పూర్తయింది తరువాతనే చెప్పాలని రాజమౌళి ఒక స్పెషల్ ప్లాన్ వేసుకున్నట్లు సమాచారం.
