కొంతకాలం నుండి, ఉయ్యాలవాడ కుటుంబ సభ్యులు జూబ్లీ హిల్స్‌లోని మెగాస్టార్ చిరంజీవి నివాసం ముందు నిరసనలు చేస్తున్నారు. రామ్ చరణ్ ఉయ్యాలవాడ నరసింహారెడ్డి జీవితంపై సినిమా తీయడానికి అనుమతించినందుకు గాను రాయల్టీగా 2 కోట్ల రూపాయలకు ఆర్థిక పరిహారం చెల్లించాలని వారు డిమాండ్ చేస్తున్నారు.
నిన్న జరిగిన సైరా నరసింహారెడ్డి ట్రైలర్ లాంచ్ ఈవెంట్ లో రామ్ చరణ్ ఈ అంశం పై చర్చిస్తూ ” నలుగురు సభ్యులకు సహాయం చేయడం ద్వారా నేను ఉయ్యాలవాడ నరసింహారెడ్డి యొక్క గొప్పతనాన్ని తగ్గించలేను. నేను నిజంగా సహాయం చేయాలనుకుంటే, గొప్ప పోరాట యోధుడికి గౌరవ చిహ్నంగా నేను ఉయ్యాలవాడ గ్రామానికి సహాయం చేస్తాను ” అని రామ్ చరణ్ అన్నారు.
ఉయ్యాలవాడ కథను ప్రపంచానికి తెలిసేలా చేయడం వారి ఉద్దేశం అని ఆయన స్పష్టం చేశారు. కొణిదెల ప్రొడక్షన్ బ్యానర్ పై నిర్మితమవుతున్న ఈ చిత్రంలో చిరంజీవి సరసన నయనతార, తమన్నా నటిస్తుండగా… అమితాబ్,జగపతి బాబు, సుదీప్, విజయ్ సేతుపతి ఇతర కీలకపాత్రలలో కనిపించనున్నారు. ఈ చిత్రానికి సంగీతం అమిత్ త్రివేది.
