కరోనావైరస్ మరోసారి టాలీవుడ్ ని టార్గెట్ చేసింది. రాజశేఖర్, జీవిత మరియు వారి కుమార్తెలు శివానీ, శివత్మికలకు పాజిటివ్ వచ్చినట్లు క్లారిటీ ఇచ్చారు. రాజశేఖర్ స్వయంగా ట్విట్టర్‌ ద్వారా ఈ విషయాన్ని తెలియజేశారు. ఇక ప్రస్తుతం ఆ కుటుంబం ఆసుపత్రిలో చికిత్స పొందుతోందని కూడా ఆయన తెలిపారు.
తన కుమార్తెలు శివానీ మరియు శివత్మిక ఇద్దరూ కోలుకున్నారని మరియు పూర్తిగా వైరస్ నుండి బయటపడ్డారని, అయితే తాను మరియు జీవిత మెల్లగా వైరస్ నుంచి బయటపడడానికి సిద్ధంగా ఉన్నామని తెలిపారు. అలాగే త్వరలో ఇంటికి చేరుకుంటామని కూడా అన్నారు. ఇక వారు త్వరగా కోలుకోవాలని అభిమానులు కోరుకుంటున్నారు. గత కొంతకాలంగా కరోనా వైరస్ టాలీవుడ్ ఇండస్ట్రీలో చాలా మంది సెలబ్రిటీలను తాకుతోంది. రాజమౌళి కుటుంబ సభ్యులు కూడా కరోనా వైరస్ ని ఎదుర్కొని ఇటీవల ప్లాస్మాను డొనేట్ చేసిన విషయం తెలిసిందే.
