దర్శకుడు రాజమౌళి సినిమా కోసం ఎంతగా హార్డ్ వర్క్ చేస్తారో అదే తరహాలో వారి కుటుంబ సభ్యులు కూడా కష్టపడతారని అందరికి తెలిసిన విషయమే. నెక్స్ట్ ఈ జక్కన్న టీమ్ RRR సినిమాతో రాబోతున్న విషయం తెలిసిందే. ఇటీవల కరోనా భారిన పదడి వెంటనే కోలుకున్న రాజమౌళి కుటుంబ సభ్యులు ఇక వర్క్ పై దృష్టి పెట్టినట్లు తెలుస్తోంది. అయితే కాస్ట్యూమ్ డిజైనర్ గా వర్క్ చేసే రమా రాజమౌళి రైటర్ గా కొత్త అవతారం ఎత్తినట్లు తెలుస్తోంది.
దర్శకుడు రాజమౌళి RRR సినిమాకు సంబంధించిన కొన్ని సీన్స్ కోసం రమాను మాటలు రాయాలని చెప్పారట. సాధారణంగా జక్కన్న తన భార్య నుంచి స్క్రిప్ట్ విషయంలో చాలా రకాల సలహాలు తీసుకుంటారు. ఇక ఇప్పుడు ఏకంగా ఆమె చేత కొన్ని సన్నివేశాలకు మాటలు రాయించే బాధ్యతను అప్పగించారట. ఇక ఆ సినిమాకు కథ రచయితగా విజేయేంద్ర ప్రసాద వర్క్ చేసిన విషయం తెలిసిందే. ఫుల్ స్క్రిప్ట్ కి ఇదివరకే సాయి మాధవ్ మాటలు అందించారు. ఇక ఇప్పుడు రమా కూడా డైలాగ్స్ రాస్తుండడంతో న్యూస్ హాట్ టాపిక్ గా మారింది.
