రెబల్ స్టార్ ప్రభాస్ తో సినిమా చేయాలి అంటే మినిమామ్ రూ.200కోట్ల బడ్జెట్ పెట్టాల్సిందే అనేలా బడా నిర్మాతలకు ఒక క్లారిటీ వచ్చేసింది. ప్రస్తుతం ప్రభాస్ చేతిలో ఉన్న సినిమాల బడ్జెట్ లెక్కలు ఒక విధంగా షాక్ ఇస్తున్నాయనే చెప్పాలి. ఏకంగా రెబల్ స్టార్ పై నిర్మాతలు రూ.1000కోట్ల పెట్టుబడులు పెట్టారు.
రాధేశ్యామ్ సినిమా కోసం 150 నుంచి 200కోట్ల బడ్జెట్ కేటాయించగా నాగ్ అశ్విన్ దర్శకత్వంలో రూపొందుతున్న సైన్ ఫిక్షన్ సినిమా కోసం వైజయంతి మూవీస్ దాదాపు 300కోట్లకు పైగానే ఖర్చు చేయనుంది. ఇక ఇటీవల బాలీవుడ్ దర్శకుడు ఓం రావత్ ఎనౌన్స్ చేసిన ఆది పురుష్ సినిమా కోసం 500కోట్ల బడ్జెట్ తో నిర్మించనున్నారట. కేవలం ఈ లెక్కలు ఒక అంచనా మాత్రమే సినిమా ప్రమోషన్స్ డోస్ పెరిగితే ఆ లెక్కలు 1000కోట్లను ఈజీగా దాటి వెళ్లగలవు. మరి ప్రభాస్ బాక్సాఫీస్ వద్ద ఎలాంటి సంచలనాలు క్రియేట్ చేస్తాడో చూడాలి.
