రెబల్ స్టార్ ప్రభాస్ , నాగ్ అశ్విన్ కాంబినేషన్ లో తెరకెక్కుతున్న స్కై ఫై థ్రిల్లర్ సినిమాపై అంచనాలు ఏ రేంజ్ లో ఉన్నాయో స్పెషల్ గా చెప్పనవసరం లేదు. వైజయంతి మూవీస్ నిర్మిస్తున్న ఈ సినిమా వర్క్ షాప్ కూడా స్టార్ట్ అయినట్లు తెలుస్తోంది. ప్రభాస్ రెగ్యులర్ గా నాగ్ అశ్విన్ తో టచ్ లో ఉంటున్నాడట. డైలీ డైలాగ్స్ మాడ్యులేషన్ అలాగే ఇతర సీన్స్ పై చర్చలు జరుపుతున్నారట.
షూటింగ్ స్టార్ట్ చేస్తే ఏ మాత్రం ఆలస్యం కాకుండా వీలైనంత త్వరగా ఫినిష్ చేసే విధంగా దర్శకుడు వర్క్ షాప్ ని నిర్వహిస్తున్నాడట. మరికొందరు స్టార్ యాక్టర్స్ కూడా త్వరలోనే వర్క్ షాప్ లో పాల్గొనే అవకాశం ఉన్నట్లు తెలుస్తోంది. ఇటీవల హీరోయిన్ గా దీపిక పదుకొనను సెలెక్ట్ చేసుకున్న చిత్ర యూనిట్ ఒక కీలక పాత్ర కోసం మరో హీరోయిన్ కోసం సెర్చ్ చేస్తున్నట్లు సమాచారం. భారీ క్యాస్టింగ్ తో రూపొందుతున్న ఈ పాన్ ఇండియా సినిమా బాక్సాఫీస్ వద్ద ఎలాంటి రికార్డులు క్రియేట్ చేస్తుందో చూడాలి మరి.
