టాలీవుడ్ రెబల్ స్టార్ ప్రభాస్ అక్టోబర్ 23న 41వ పుట్టినరోజును జరుపుకోబోతున్నాడు. అభిమానులు ఆ డేట్ కోసం ఎంతగానో ఎదురుచూస్తున్నారు. అయితే ఈ సారి రెబల్ స్టార్ కూడా తన అభిమానులకు మంచి సర్ ప్రైజ్ ప్లాన్ చేసినట్లు తెలుస్తోంది. రాధేశ్యామ్ సినిమాతో పాటు మరో రెండు సినిమాలను లైన్ లో పెట్టిన ప్రభాస్ ముందుగా ఆదిపురుష్ కి సంబంధించిన అప్డేట్ ఇవ్వనున్నారట.
ఆ రోజున సినిమాలో సీతగా కనిపించేది ఎవరు అనే విషయంలో ఒక క్లారిటీ ఇవ్వనున్నట్లు సమాచారం. ఆ సినిమా రామాయణ బ్యాక్ డ్రాప్ లో 3D టెక్నలిజితో రూపొందుతున్న విషయం తెలిసిందే. ఇక రాధేశ్యామ్ చిత్ర యూనిట్ కూడా స్పెషల్ ప్లాన్ ఏదో వేసినట్లు అర్ధమవుతోంది. ఆ సినిమాకు సంబంధించిన స్పెషల్ బర్త్ డే టీజర్ రానుందట. ఇక మరోవైపు నాగ్ అశ్విన్ తో ఒక సైన్స్ ఫిక్షన్ ఫిల్మ్ చేస్తున్న విషయం తెలిసిందే. భారీ బడ్జెట్ తో తెరకెక్కుతున్న ఆ సినిమాకు సంబంధించిన లుక్స్ ఇంతవరకు రాలేదు. ఇంకా పోస్ట్ ప్రొడక్షన్ పనులతోనే బిజీగా ఉన్నారు కాబట్టి సినిమా టైటిల్ అయినా అనౌన్స్ చేస్తారేమో అని అభిమానులు ఆశగా ఎదురుచూస్తున్నారు. మరి ఈ పుట్టినరోజున ప్రభాస్ అభిమానులను ఎవరు ఎక్కువగా ఆకట్టుకుంటారో చూడాలి.
