టాలీవుడ్ రెబల్ స్టార్ ప్రభాస్ మరో పాన్ ఇండియా సినిమాతో రాబోతున్నాడు. బాహుబలి నుంచి బిగ్ బడ్జెట్ సినిమాల డోస్ పెంచుతున్న ప్రభాస్ ఇప్పుడు ఏకంగా అంతకంటే హై లెవెల్లో డోస్ పెంచాడు. బాలీవుడ్ బడా నిర్మాణ సంస్థ టీ సిరీస్ తో కలిసి ఓం రావత్ కలిసి తెరకెక్కిస్తున్న బిగ్ బడ్జెట్ సినిమాకి ఆదిపురుష్ అనే టైటిల్ ని కూడా ఫిక్స్ చేశారు.
సినిమాకు సంబంధించిన టైటిల్ పోస్టర్ ని కొద్దీ సేపటి క్రితమే చిత్ర యూనిట్ రిలీజ్ చేసింది. చూస్తుంటే సినిమా.. విష్ణువు మొదటి అవతారం ఆధారంగా తెరకెక్కనున్నట్లు టాక్ వస్తోంది. ప్రభాస్ తన కెరీర్ లో మునుపెన్నడు లేని విధంగా ఈ సినిమాలో సరికొత్త అవతారంలో కనిపించనున్నాడని చెప్పవచ్చు. ఓం రావత్ గత వారం నుంచే గుడ్ న్యూస్ చెప్పబోతున్నట్లు బాలీవుడ్ లో హాట్ టాపిక్ గా నిలిచారు. ఇక ఫస్ట్ టైటిల్ ఎనౌన్స్ చేసి సోషల్ మీడియాలో అంచనాల డోస్ ని పెంచారు. మరి సినిమా ఏ స్థాయిలో రికార్డులు క్రియేట్ చేస్తుందో చూడాలి.
