ప్రభాస్, పూజా హెగ్డే మొదటిసారి జంటగా నటిస్తున్న రాధే శ్యామ్ షూటింగ్ ఇటలీలో జరుగుతున్న విషయం తెలిసిందే. ఈ చిత్ర నిర్మాతలు వీలైనంత త్వరగా ఈ చిత్రాన్ని పూర్తి చేయాలని చూస్తున్నారు. ముందు నుంచి కూడా ఈ చిత్రం స్వచ్ఛమైన ప్రేమకథ అని టాక్ వస్తోంది. ఇలాంటి ప్రేమకథని ప్రభాస్ ఎప్పుడూ టచ్ చేయలేదని చెబుతున్నారు.
ఇక ఈ చిత్రంలో ఎటువంటి యాక్షన్ సన్నివేశం లేదని తెలుస్తోంది. ప్రభాస్ అనగానే ఆడియెన్స్ యాక్షన్ సన్నివేశాలను ఫైట్స్ సీక్వెన్స్ ని ఎక్కువగా కోరుకుంటారు. అయితే రాధేశ్యామ్ లో మాత్రం అలాంటి సీన్స్ ఉండవట. కనీసం విలన్స్ ని టచ్ కూడా చేయడాన్ని చెంపదెబ్బ కూడా కొట్టడని టాక్ వస్తోంది. మరి ఇది ఎంతవరకు నిజమో తెలియాలి అంటే మరికొన్ని రోజులు వెయిట్ చేయాల్సిందే. రాధా కృష్ణ కుమార్ దర్శకత్వం వహిస్తున్న రాధేశ్యామ్‌ను యువి క్రియేషన్స్, గోపి కృష్ణ మూవీస్ నిర్మిస్తున్నాయి.
