దర్శకధీరుడు ఎస్ఎస్.రాజమౌళి తెరకెక్కిస్తున్న బిగ్ బడ్జెట్ మల్టీస్టారర్ సినిమా కోసం ఆభిమానులు ఏ స్థాయిలో ఎదురుచూస్తున్నారో స్పెషల్ గా చెప్పనవసరం లేదు. గతంలో ఎప్పుడు లేని విధంగా రామ్ చరణ్, జూనియర్ ఎన్టీఆర్ వంటి స్టార్ హీరోలు ఒకే సినిమాలో స్క్రీన్ షేర్ చేసుకుంటుండడంతో అంచనాలు డోస్ హద్దులు దాటేశాయి. ఇక కోవిడ్ కారణంగా సినిమా వాయిదాలతోనే సరిపెట్టుకోవాల్సి వస్తోంది.
2021 సంక్రాంతికి జూన్ 8న RRR ప్రేక్షకుల ముందుకు వస్తుందని అప్పట్లో చిత్ర యూనిట్ అధికారికంగా వివరణ ఇచ్చిన విషయం తెలిసిందే. కానీ కరోనా వైరస్ లాక్ డౌన్ కారణంగా షూటింగ్ ను వాయిదా వేయక తప్పలేదు. ఇక లేటెస్ట్ గా అందిన సమాచారం ప్రకారం సినిమా కోసం ఒక డేట్ ఫిక్స్ చేసుకున్నట్లు తెలుస్తోంది. మరికొన్ని రోజుల్లో షూటింగ్ ని మొదలు పెట్టి వీలైనంత త్వరగా పూర్తి చేయాలని అనుకుంటున్నారు. కుదిరితే 2021 జులై 30న సినిమాను గ్రాండ్ గా విడుదల చేయాలని ప్లాన్ వేసుకుంటున్నట్లు తెలుస్తోంది. మరి ఈ గాసిప్ ఎంతవరకు నిజమో తెలియాలి అంటే చిత్ర యూనిట్ షూటింగ్ స్టార్ట్ చేసేవరకు వెయిట్ చేయాల్సిందే.
