నాగ‌బాబు కుమార్తె నిహారిక కొణిదెల పెళ్లి ప‌నుల్లో స్పీడ్ పెరుగుతోంది. ఇటీవల సింపుల్ గా నిశ్చితార్థ వేడుకను నిర్వహించిన మెగా బ్రదర్ పెళ్లిని మాత్రం వీలైనంత వరకు గ్రాండ్ గానే నిర్వహించాలని అనుకుంటున్నారు. ఇక శ్రావ‌ణ సోమ‌వారం నాడు పసుపు దంచే కీల‌క కార్య‌క్ర‌మంను సినీ ప్రముఖుల ఫ్యామిలీకి చెందిన మహిళలలతో ప్రారంభించారు.
వేడుకలో మెగా ఫ్యామిలీకి చెందిన ఆడ‌వాళ్లంద‌రూ పాల్గొన్నారు. నిహారిక పసుపు కొమ్ములు దంచుతూ ఫొటోల‌కు పొజివ్వగా మిగతా వారు సరదాగా ఆటపట్టించారు. ఒక వీడియోను కూడా నిహారిక త‌న ఇన్‌స్టాగ్రామ్‌లో షేర్ చేయగా నిమిషాల్లో అది వైరల్ గా మారింది. అయితే ఈ కార్యక్రమంలో అక్కినేని, నందమూరి, కుటుంబంలోని ఆడవాళ్ళు కూడా పాల్గొన్నారు. ముఖ్యంగా హరికృష్ణ కూతురు అలాగే దేవినేని కుటుంబానికి సంబంధించిన ఆడవాళ్లు కూడా వేడుకలో స్పెషల్ ఎట్రాక్షన్ గా నిలిచారు. అప్పట్లో మెగా ఫ్యామిలీకి హరికృష్ణ చాలా దగ్గరగా ఉండేవారని అందరికి తెలిసిందే. అలాగే అక్కినేని హీరోలతో నిత్యం మెగా హీరోలు టచ్ లోనే ఉంటారు. కాబట్టి ఆ ఇంటి ఆడవారిని మెగాస్టార్ ప్రత్యేకంగా ఆహ్వానించారు. ప్రస్తుతం అందుకు సంబంధించిన ఫొటోలు కూడా సోషల్ మీడియాలో వైరల్ అవుతున్నాయి.
