సక్సెస్ కోసం ఎదురుచూస్తున్న యువ హీరోల్లో అక్కినేని అఖిల్ ఒకరు. కెరీర్ మొదటి నుంచి కూడా వరుస ఫెయిల్యూర్స్ ని ఎదుర్కొంటున్న అఖిల్ ఈ సారి మోస్ట్ ఎలిజిబుల్ బ్యాచిలర్ సినిమాతో ఎలాగైనా బాక్సాఫీస్ హిట్ అందుకోవాలని చూస్తున్నాడు. ఇక సమ్మర్ లోనే ప్రేక్షకుల ముందుకు రావాల్సిన ఈ సినిమా లాక్ డౌన్ కారణంగా వాయిదా పడింది. ఇక ఫైనల్ గా సినిమాకు సంబంధించిన మొదటి టీజర్ ని సిద్ధం చేస్తున్నారు.
కొద్దిసేపటి క్రితమే ప్రీ టీజర్ తో అఖిల్ సరికొత్తగా ఆకట్టుకున్నాడు. హర్ష అని పరిచయం చేసుకుంటూ.. ఒక అబ్బాయి జీవితంలో 50% కెరీర్ 50% మ్యారేజ్ లైఫ్. కెరీర్ బాగానే సెట్ చేసుకున్నాను. కానీ మ్యారేజ్ లైఫ్ అనేదే సింగిల్ లైన్ లో కష్టంగా ఉందంటూ ఏదో కొత్త అర్దాన్ని చెప్పే ప్రయత్నం చేస్తున్నాడు. ఇక టీజర్ ని అక్టోబర్ 25న ఉదయం 11:40గంటలకు విడుదల చేసేందుకు రెడీ అయ్యారు. చూస్తుంటే ఈ సారి అఖిల్ తప్పకుండా హిట్ కొట్టేలా ఉన్నాడని అనిపిస్తోంది. ఈ సినిమాలో పూజా హెగ్డే హీరోయిన్ గా నటిస్తున్న విషయం తెలిసిందే. ఇక సినిమాను కుదిరితే సంక్రాంతికి విడుదల చేయాలని చూస్తున్నారు.
