మంచు విష్ణు హాలీవుడ్ టెక్నీషియన్స్ తో మోసగాళ్ళు అనే సినిమా చేస్తున్నాడన్న విషయం అందరికీ తెలిసిందే. మునుపెన్నడు లేని విధంగా భారీ స్థాయిలో రూపొందిస్తున్న ఆ సినిమాపై ఓ వర్గం ప్రేక్షకుల్లో అంచనాలు భారీగానే ఉన్నాయి.
ఇక ఈ సినిమా ప్రమోషన్లలో స్టైలిష్ స్టార్ అల్లు అర్జున్ తన మద్దతు ఇవ్వడానికి ముందుకు వచ్చారు. మొదట విక్టరీ వెంకటేష్ మోసగాళ్ళు సినిమా టైటిల్ టీజర్ ని విడుదల చేసిన విషయం తెలిసిందే.
ఆ పోస్టర్ కి మంచి స్పందన లభించింది. సంగీత దర్శకుడు సామ్ సిఎస్ అద్భుతమైన బ్యాక్ గ్రౌండ్ మ్యూజిక్ తో ప్రశంసలు అందుకున్నారు. ఇక ఇప్పుడు అంతకంటే హై రేంజ్ లో అల్లు అర్జున్ అక్టోబర్ 3న మోసగాళ్ళు సినిమాకు సంబంధించిన మరొక స్పెషల్ టీజర్ ని రిలీజ్ చేయబోతున్నట్లు తెలుస్తోంది. కథలోని కుంభకోణం యొక్క పరిమాణాన్ని బహిర్గతం చేస్తాడని ఒక పోస్టర్ ని రిలీజ్ చేశారు. అది ఆవిష్కరించబడుతుందనేది హాట్ టాపిక్ గా మారింది. అతిపెద్ద ఐటి స్కామ్ నేపథ్యంలో నిజమైన కథ ఆధారంగా రూపొందించబడిన ఈ సినిమా విష్ణు 80కోట్ల వరకు ఖర్చు చేసినట్లు టాక్. మరి మోసగాళ్ళు ఎంతవరకు లాభాన్ని అందిస్తుందో చూడాలి.
