‘విక్కీ ది రాక్ స్టార్’ నుంచి ‘పోదాం వెళ్లిపోదాం’ పాట విడుదల

విక్రమ్, అమృత చౌదరి ప్రధాన పాత్రలలో సిఎస్ గంటా దర్శకత్వంలో వైవిద్యభరితమైన కథతో ‘విక్కి ది రాక్ స్టార్’ అనే పేరుతో ఓ డిఫరెంట్ మూవీ రూపొందుతోంది. హై ప్రొడక్షన్ వాల్యూస్ జోడించి శ్రీమతి వర్దిని నూతలపాటి సమర్పణలో స్టూడియో87 ప్రొడక్షన్స్ బ్యానర్‌పై రూపొందుతున్న ఈ చిత్రానికి ఫ్లైట్ లెఫ్టినెంట్ శ్రీనివాస్ నూతలపాటి(IAF) నిర్మాతగా వ్యవహరిస్తున్నారు. 

తాజాగా ఈ చిత్రం నుంచి వినాయక చవితి సందర్భంగా ఓ అప్డేట్ వచ్చింది. విక్కీ ది రాక్ స్టార్ నుంచి ఇదివరకు విడుదల చేసిన ఫస్ట్ షేడ్‌‌, లవ్ షేడ్‌లకు మంచి స్పందన వచ్చింది. పిల్లా నువ్వు నాకు ప్రాణమే అనే పాట కూడా అందరినీ ఆకట్టుకుంది. ఇక ఇప్పుడు పండుగ సందర్భంగా ఓ ఆహ్లాదకరమైన పాటను విడుదల చేశారు మేకర్స్.

‘పోదాం వెళ్లిపోదాం’ అంటూ సాగే ఈ పాటను విడుదల చేశారు. ఈ పాటలో హీరో హీరోయిన్లు, వారి స్నేహితులు కలిసి వేస్తున్న ట్రిప్స్, వాటి లొకేషన్లను అందంగా చూపించారు. ముఖ్యంగా ఈ పాటలోని లొకేషన్లు మాత్రం అందరినీ కట్టిపడేసేలా ఉన్నాయి. సునీల్ కశ్యప్ అందించిన బాణీ.. విశ్వనాథ్ కాసర్ల సాహిత్యం, విష్ణుప్రియ గాత్రం అద్భుతంగా కుదిరాయి.

గ్రాండ్ ప్రొడక్షన్ వాల్యూస్‌తో షూటింగ్ కంప్లీట్ చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలతో బిజీగా ఉంది. ఎక్కడా కాంప్రమైజ్ కాకుండా చాలా గ్రాండ్‌గా ఈ సినిమాను ప్రేక్షకుల ముందుంచాలనేది మేకర్స్ ప్లాన్. 

ఇప్పటి వరకు టాలీవుడ్‌లో ఎవ్వరూ చేయని జానర్‌ని టచ్ చేస్తూ ఈ సినిమా రూపొందించారని ఇప్పటికే వదిలిన అప్డేట్స్ తెలుపుతున్నాయి. ఇంట్రెస్టింగ్ పాయింట్స్ టచ్ చేస్తూ నేటితరం ఆడియన్స్ కోరుకునే స్టఫ్‌తో ఈ మూవీని సిద్ధం చేస్తున్నారని స్పష్టమవుతోంది. అతి త్వరలో ఈ మూవీ రిలీజ్ డేట్ అనౌన్స్ చేయనున్నారు మేకర్స్. 

సుభాష్, చరిత ఎగ్జిక్యూటివ్ ప్రొడ్యూసర్స్ గా  బాధ్యతలు చేపట్టారు. భాస్కర్ సినిమాటోగ్రాఫర్‌‌గా వ్యవహరిస్తుండగా.. పలు హిట్ సినిమాలకు మ్యూజిక్ అందించిన సునీల్ కశ్యప్ బాణీలు అందించారు.  

సాంకేతిక వర్గం

రచన & దర్శకత్వం : సిఎస్ గంటా

బ్యానర్: స్టూడియో87 ప్రొడక్షన్స్

నిర్మాత: ఫ్లైట్ లెఫ్టినెంట్ శ్రీనివాస్ నూతలపాటి(IAF)

ఎగ్జిక్యూటివ్ ప్రొడ్యూసర్స్  : సుభాష్, చరిత

సంగీతం: సునీల్ కశ్యప్

సినిమాటోగ్రాఫర్‌: భాస్కర్ 

ఎడిటర్: ప్రదీప్ జంబిగా 

ప్రొడక్షన్ ఎగ్జిక్యూటివ్: శ్యామల చంద్ర

డిజైనర్: TSS కుమార్

పీఆర్ఓ: సాయి సతీష్, పర్వతనేని రాంబాబు