2005లో వచ్చిన చంద్రముఖి సినిమా తమిళ్ లోనే కాకుండా తెలుగులో కూడా సరికొత్త బాక్సాఫీస్ రికార్డులను క్రియేట్ చేసింది. ఆ సినిమా తరువాత సూపర్ స్టార్ రజినీకాంత్ క్రేజ్ కూడా మరో లెవెల్ కి వెళ్లింది. అయితే ఇప్పుడు ఆ కథకు కొనసాగింపుగా వస్తున్న సీక్వెల్ లో రాఘవ లారెన్స్ హీరోగా నటిస్తున్న విషయం తెలిసిందే.
చంద్రముఖి 2లో హీరోయిన్ గా ఎవరు నటిస్తారు అనేది గత కొంతకాలంగా అందరిలో మెదులుతున్న సందేహం. ఎందుకంటే చంద్రముఖిగా జ్యోతిక ఏ లెవెల్లో నటించిందో స్పెషల్ గా చెప్పనవసరం లేదు. అందుకే సీక్వెల్ లో ఎవరు నటిస్తారు అనే విషయం హాట్ టాపిక్ గా మారింది. అయితే లేటెస్ట్ గా అందుతున్న సమాచారం ప్రకారం ఇందులో కీయరా అద్వానీ హీరోయిన్ గా నటించే ఛాన్స్ ఉన్నట్లు తెలుస్తోంది.
మహేష్ బాబుతో భరత్ అనే నేను సినిమా చేసిన తరువాత కీయరా సౌత్ లో చాలా బిజీగా మారుతోంది. ఇక లారెన్స్ హీరోగా పి.వాసు దర్శకత్వంలో రూపొందుతున్న చంద్రముఖి 2లో దాదాపు కీయరా ఫిక్స్ అయినట్లు తెలుస్తోంది. మరి ఇది ఎంతవరకు నిజమో తెలియాలి అంటే అఫీషియల్ ఎనౌన్స్మెంట్ వచ్చే వరకు వెయిట్ చేయాల్సిందే.
