దివంగ‌త ప్ర‌ముఖ న‌టి, త‌మిళ‌నాడు సీఎం జయలలిత జీవితం ఆధారంగా త‌లైవి చిత్రం తెర‌కెక్కుతున్న విష‌యం తెలిసిందే. ఇందులో త‌లైవి టైటిల్ పాత్ర‌ను బాలీవుడ్ లేడి ఫైర్ బ్రాండ్ కంగ‌నా ర‌నౌత్ న‌టిస్తోంది. ఈ చిత్రానికి త‌మిళ్ డైరెక్ట‌ర్ ఏఎల్ విజ‌య్ ద‌ర్శ‌క‌త్వంలో రూపొందుతుంది. ఈ చిత్రం కోసం అటు జయలలిత అభిమానులు, త‌మిళ‌నాడు ప్రేక్ష‌కులు, మ‌రోవైపు కంగ‌నా ఫ్యాన్స్ ఎంతో ఆస‌క్తిగా ఎదురు చూస్తున్నారు. ఇప్ప‌టికే ఈ చిత్రంకు సంబంధించి ప‌లు పోస్ట‌ర్ల్ ప్రేక్ష‌కుల‌ను ఎంతో ఆక‌ట్టుకుంది. అయితే ఈ రోజు ఫిబ్ర‌వ‌రి 24న జయలలిత జ‌యంతి సంద‌ర్భంగా ..
ఈ చిత్రానికి సంబంధించి స‌రికొత్త అప్‌డేట్‌ను స్వ‌యంగా కంగ‌నా త‌న ట్విట్ట‌ర్ వేదిక‌గా ప్ర‌క‌టించింది. త‌లైవి చిత్రాన్ని ఏప్రిల్ 23న ప్రేక్ష‌కుల ముందుకు తీసుకురానున్న‌ట్లు ప్ర‌క‌టించింది. వాస్త‌వానికి ఈ చిత్రం గ‌తేడాది జూన్‌లో విడుద‌ల కావ‌ల్సి ఉంది. క‌రోనా కార‌ణంగా ఈ చిత్ర షూటింగ్ వాయిదా ప‌డింది. ఏదీ ఏమైన‌ప్ప‌టికీ ఈ చిత్రం జయలలిత ఫ్యాన్స్, కంగ‌నా ఫ్యాన్స్ ఈ చిత్రం కోసం ఎంతో ఎదురు చూస్తున్నారు. ఇక ఇందులో ఎంజీఆర్‌గా అర‌వింద్ స్వామి, క‌రుణానిధి పాత్ర‌లో ప్ర‌కాశ్‌రాజ్‌, శ‌శిక‌ళ పాత్ర‌లో పూర్ణ న‌టిస్తున్నారు.
