హీరో విశాల్, తెలుగు అబ్బాయి అయినప్పటికీ, తమిళ్ సినిమా ఇండస్ట్రీలో కష్టపడి పైకి ఎదిగిన ఒక సూపర్ యాక్సన్ హీరో. వరుస హిట్లతో కెరియర్ లో దూసుకొనిపోతున్న మన విశాల్ రీసెంట్ గా చేస్తున్న సినిమా యాక్సన్. ఈ సినిమాకు సుందర్ సి దర్శకత్వం వహిస్తుండగా శ్రీను ఆడెపు ( వరంగల్ శ్రీను ) ఈ సినిమాను నిర్మిస్తున్నారు. కాగా ఈ సినిమా ఈ నవంబర్ 15 న ప్రపంచ వ్యాప్తంగా విడుదలకు సిద్ధం అయింది. ఈ సినిమా టీజర్, ట్రైలర్, సాంగ్స్, ప్రోమోస్ ఇప్పటికే ఈ సినిమాపై క్రెజ్ అమాంతం పెంచేసాయి. అయితే ఇప్పుడు తెలుగు నాట ఈసారి విశాల్ రికార్డులు సృష్టించే రేంజ్ లో హిట్టు కొట్టడం గ్యారెంటీ అనే టాక్ ఎక్కువుగా వినిపిస్తుంది. దానికి కారణాలు కూడా లేకపోలేదు.
ఈ సినిమాకు పనిచేస్తున్న టీమ్ అందరూ గతంలో హిట్టు రికార్డ్ లలో ఉన్నవారు కావడం ఒకటి, ఈ సినిమాలో హీరోయిన్ గా నటిస్తున్న తమ్మన్నా నటనా, అందచందాలు. ఈపాటికే ఈ సినిమాలో తమన్నా వేసిన బికినీ పిక్చర్స్ కుర్రకారుని ఎప్పుడెప్పుడు ఈ సినిమా విడుదల అవుతుందా అనిపించే విధంగా చేసాయి. హీరో విశాల్ కి తెలుగునాట మంచి క్రెజ్ ఎలానో ఉంది, తనకి ఇక్కడ ఒక మాస్ హీరోగా మంచి గుర్తింపు కూడా వుంది. హిప్ హప్ సంగీతం, బ్యాక్గ్రౌండ్ స్కోర్ ఈ సినిమాకు మరో అదనపు ఆకర్షణగా నిలవనున్నాయి. ఈ సినిమా నిర్మాత వరంగల్ శ్రీను ఇప్పటికే ఇస్మార్ట్ శంకర్, వాల్మీకి, రాజు గారి గది వంటి వరుస హిట్లతో మంచి క్రెజీ ప్రొడ్యూసర్ గా పేరు తెచ్చుకున్నాడు. విశాల్ కెరియర్ లోనే హై బడ్జెట్ తో నిర్మించిన ఈ సినిమా విజువల్ వండర్ గా నిలువనుంది. ఏది ఏమైనా ఈ 15న విడుదల కానున్న ఈ సినిమాకు ప్రేక్షకులు బ్రమ్మరథం పట్టేలా ఉన్నారు అని చెప్పుకోవచ్చు.
