గబ్బర్ సింగ్ సినిమా తరువాత బండ్ల గణేష్ పవన్ కళ్యాణ్ కాంబినేషన్ లో రాబోతున్న సినిమాపై అభిమానుల్లో అంచనాలు ఏ రేంజ్ లో ఉంటాయో స్పెషల్ గా చెప్పనవసరం లేదు. అంతకు మించి అనేలా ఉండాలని నిర్మాత గణేష్ పవర్ఫుల్ కథల కోసం సెర్చ్ చేసుకున్నాడు. ఇక ఇటీవల రెండు కథలపై పవన్ కళ్యాణ్ తో గ్యాప్ దొరికినప్పుడల్లా చర్చలు జరుపుతున్నట్లు తెలుస్తోంది.
పవన్ కళ్యాణ్ ఎక్కడికైనా వెళ్ళినప్పుడు కారులోనే ఆయనతో పాటు ప్రయాణం చేస్తున్న గణేష్ సినిమాకు సంబంధించిన విషయాలపై చర్చలు జరుపుతున్నారట. ఇక పవన్ జనవరి ఫిబ్రవరి మధ్యలో కొన్ని కాల్షీట్స్ కూడా ఇచ్చినట్లు తెలుస్తోంది. సినిమా షూటింగ్ కి నెల రోజుల కంటే తక్కువగానే డేట్స్ ఇచ్చే అవకాశం ఉంటుందని పవన్ ముందుగానే చెప్పాడట. బండ్లగణేష్ కూడా పక్కా ప్లాన్ తో సిద్ధమవ్వాలని చూస్తున్నట్లు తెలుస్తోంది. మరి ఇది ఎంతవరకు నిజమో తెలియాలి అంటే మరికొన్ని రోజుకు వెయిట్ చేయాల్సిందే. ఇక పింక్ రీమేక్ వకీల్ సాబ్ షూటింగ్ ని దసరా అనంతరం ఫినిష్ చేయాలని పవన్ ఒక టార్గెట్ సెట్ చేసుకున్న విషయం తెలిసిందే.
