త్వరలోనే ఏపీ సీఎం వైఎస్ జగన్‌మోహన్‌రెడ్డిని కలవనున్నట్లు నందమూరి నటసింహం, హిందూపురం ఎమ్మెల్యే బాలకృష్ణ చేసిన వ్యాఖ్యలు టీడీపీ వర్గాలను షాక్‌కు గురి చేస్తున్నాయి. టీడీపీ, వైసీపీ ప్రత్యర్థి పార్టీలు. టీడీపీ, వైసీపీ నేతల మధ్య విమర్శల యుద్ధం జరుగుతోంది. ఈ క్రమంలో జగన్‌ను బాలయ్య కలవనుండటం ఆశ్చర్యకరంగా మారింది.
గత రెండు రోజులుగా హిందూపురం అసెంబ్లీ నియోజకవర్గంలో బాలయ్య పర్యటిస్తున్నారు. స్థానికులను కలుసుకుని సమస్యలు తెసుకుంటున్నారు. ఈ సందర్భంగా త్వరలోనే సీఎం జగన్‌ను కలిసి హిందూపురం నియోజకవర్గ ప్రజల సమస్యలను వివరిస్తానన్నారు. సమస్యలను జగన్ దృష్టికి తీసుకెళతానన్నారు.
హిందూ దేవాలయాలు, విగ్రహాలపై జరుగుతున్న వరుస దాడులను బాలయ్య ఖండించారు. దేవతా విగ్రహాలను ధ్వంసం చేసిన నిందితుల చేతులు కత్తిరించాలన్నారు.
