మెగాస్టార్ చిరంజీవి హీరోగా కొరటాల శివ తెరకెక్కిస్తున్న ‘ఆచార్య’ సినిమా విడుదలకు ముందే రికార్డులు సృష్టిస్తోంది. ఇప్పటికే 20 ఎకరాల్లో హైదరాబాద్‌లో కోకాపేటలో ఈ సినిమా కోసం భారీ సెట్ వేశారు. ఇండియాలోనే ఇంత పెద్ద సెట్ ఇప్పటివరకు ఏ సినిమాకు వేయకపోవడంతో.. ఇది రికార్డుగా నిలిచింది. కానీ ఇప్పుడు ఆచార్య మరో రికార్డును తన ఘాతాలో వేసుకుంది.
‘ఆచార్య’ ఆడియో రైట్స్‌ను ప్రముఖ మ్యూజిక్ సంస్థ ఆదిత్య మ్యూజిక్ రూ.4 కోట్ల భారీ రేటు పెట్టి దక్కించుకున్నట్లు వార్తలొస్తున్నాయి. ఇప్పటివరకు ఏ సినిమా ఆడియో రైట్స్ ఇంత భారీ మొత్తంలో అమ్ముడుపోలేదని, ఈ విషయంలో ఆచార్య రికార్డు సృష్టించిందని సినీ వర్గాలు చెబుతున్నాయి. ఈ సినిమాకు సినీయర్ మ్యూజిక్ డైరెక్టర్ మణిశర్మ మ్యూజిక్ అందించనున్నాడు.
కొణిదెల ప్రొడక్షన్ కంపెనీ, మ్యాట్నీ ఎంటర్ టైన్మెంట్స్ బ్యానర్లపై రామ్ చరణ్, నిరంజన్ రెడ్డి ఈ సినిమాను నిర్మిస్తున్నారు. ఇందులో అందాల బ్యూటీ కాజల్ అగర్వాల్ హీరోయిన్‌గా నటిస్తోంది. ఇందులో రాంచరణ్ కీలక పాత్రలలో నటించనుండగా.. సోనూసూద్ కూడా మరో కీలక పాత్రను పోషిస్తున్నాడు.
