మెగాస్టార్ చిరంజీవి పుట్టినరోజు కోసం మెగా ఆభిమానులు చాలా ఆతృతగా ఎదురుచూస్తున్నారు. ఆగస్ట్ 22న మెగాస్టార్ సినిమాలకి సంబంధించిన అప్డేట్స్ ఎలా ఉంటాయనేది ఇప్పుడు హాట్ టాపిక్ గా మారింది. సైరా అనంతరం మెగాస్టార్ ఆచార్య సినిమాను స్టార్ట్ చేసిన విషయం తెలిసిందే. అయితే ఆ సినిమాకు సంబంధించిన ఫస్ట్ లుక్ ని ఎట్టకేలకు రిలీజ్ చేయబోతున్నారు.
ఆగస్ట్ 22న మెగాస్టార్ పుట్టినరోజు సందర్భంగా ఆచార్య ఫస్ట్ లుక్ మోషన్ పోస్టర్ ని రిలీజ్ చేయనున్నట్లు అఫీషియల్ గా ఎనౌన్స్ చేశారు. అయితే మరో సినిమాకు సంబంధించిన ఎనౌన్స్మెంట్ కూడా ఉంటుందని ఇటీవల కొన్ని వార్తలు వచ్చిన విషయం తెలిసిందే. జై లవ కుశ దర్శకుడు బాబీతో మెగాస్టార్ ఒక ప్రాజెక్ట్ ఒకే చేసినట్లు టాక్ అయితే వస్తోంది. ఇక ఆ సినిమాకు సంబంధించిన పోస్టర్ ని కూడా బర్త్ డే రోజు రిలీజ్ చేస్తారని కూడా కథనాలు రాగా ఇప్పటివరకు ఆ విషయంలో మెగా టీమ్ క్లారిటీ ఇవ్వలేదు. మరి పుట్టినరోజుకు అభిమానులు ఊహిస్తున్నట్లుగా డబుల్ బొనాంజా ఉంటుందో లేదో చూడాలి.
