ర‌ణ‌భీర్ క‌పూర్‌, అలియా భ‌ట్ జంట‌గా ధ‌ర్మ ప్రొడ‌క్ష‌న్స్ బ్యాన‌ర్‌పై అయాన్ ముఖ‌ర్జీ ద‌ర్శ‌క‌త్వంలో హీరూ జోహార్‌, అపూర్వ మెహ‌తా, ఆసిమ్ జ‌బాజ్‌, గులాబ్ సింగ్ త‌న్వ‌ర్ నిర్మిస్తున్న భారీ బ‌డ్జెట్ మూవీ `బ్ర‌హ్మాస్త్ర`. బాలీవుడ్ సూప‌ర్‌స్టార్ బిగ్ బి అమితాబ్ బ‌చ్చ‌న్‌, టాలీవుడ్ కింగ్ నాగార్జున ప్ర‌ధాన పాత్ర‌ధారులు. ఈ మైథిలాజిక‌ల్ ఫ్యూజ‌న్ డ్రామా షూటింగ్ జ‌రుపుకుంటుంది. ఈ సినిమా తెలుగు, త‌మిళ టైటిల్ లోగోల‌ను స్టార్ డైరెక్ట‌ర్ ఎస్‌.ఎస్‌.రాజ‌మౌళి త‌న ట్విట్ట‌ర్ ద్వారా విడుద‌ల చేశారు. ఇటీవ‌ల ప్ర‌యాగ‌లో 150 డ్రోన్ కెమెరాల స‌హాయంతో `బ్ర‌హ్మాస్త్ర` అనే లోగోను ఆవిష్క‌రించిన సంగ‌తి తెలిసిందే. బ్ర‌హ్మాస్త్ర ఫ్రాంచైజీలో మూడు భాగాలుంటాయి. అందులో మొద‌టి భాగం ప్ర‌పంచ వ్యాప్తంగా భారీ ఎత్తున డిసెంబ‌ర్ 25, 2019న హిందీతో పాటు తెలుగు, త‌మిళ, మ‌ల‌యాళ భాష‌ల్లో సినిమా విడుద‌ల కానుంది.
