బాలీవుడ్ లో మరో విషధ ఘటన చోటుచేసుకుంది. దిగ్గజ బాలీవుడ్ నటుడు దిలీప్ కుమార్ తమ్ముడు అస్లాం ఖాన్ (88) కరోనావైరస్ సోకడంతో కన్నుమూశారు. ముంబైలోని లీలవతి ఆసుపత్రిలో అస్లాం తుది శ్వాస విడిచారు. కోవిడ్ -19 పాజిటివ్ వచ్చిన తరువాత అస్లాం ఖాన్, మరో సోదరుడు ఎహ్సాన్ (90) తో కలిసి ఆగస్టు 16 న ఆసుపత్రిలో చేరారు.
ఆసుపత్రి అధికారుల తెలియజేసిన వివరాల ప్రకారం.. అస్లాంకు కోవిడ్-19 కాకుండా డయాబెటిస్, రక్తపోటు, ఇస్కీమిక్ గుండె జబ్బులు ఉన్నాయట. మరోవైపు, ఇషాన్ పరిస్థితి కూడా చాలా క్లిష్టంగా ఉందని, అతని ముఖ్యమైన అవయవాల ఆరోగ్యం ఆందోళన కలిగిస్తోందని వైద్యులు తెలిపారు. అతను ఆసుపత్రిలో చేరినప్పటి నుండి నాన్-ఇన్వాసివ్ వెంటిలేటర్ తోనే ఉన్నారు. దిగ్గజ నటుడి కుటుంబానికి బాలీవుడ్ ప్రముఖులు సోషల్ మీడియా ద్వారా సంతాపం తెలియజేస్తున్నారు.
