మార్వెల్ స్టూడియోస్ ‘బ్లాక్ పాంథర్’ హీరో చాడ్విక్ బోస్మాన్ హఠాన్మరణం సినీ ప్రపంచాన్ని ఒక్కసారిగా షాక్ కి గురి చేసింది. గత నాలుగేళ్లుగా ఈ స్టార్ యాక్టర్ పెద్దప్రేగుకి సంబంధించిన అతి భయంకరమైన క్యాన్సర్‌తో పోరాడుతున్నట్లు తెలిసింది. అయితే చివరికి పోరాడుతూనే అతను శుక్రవారం కన్నుమూసినట్లు అధికారిక ప్రకటన వెలువడింది. 43 సంవత్సరాల వయస్సులోనే అతను మృతి చెందడంతో మంచి నటుడిని కోల్పోయినట్లు సినీ ప్రముఖులు కామెంట్స్ చేస్తున్నారు.
అసలు క్యాన్సర్ నిర్ధారణ అయినట్లు అభిమానులతో లేదా మీడియాతో ఎక్కడా కూడా బహిరంగంగా చెప్పకపోవడం ఆశ్చర్యానికి గురి చేస్తోంది. నటుడు చాడ్విక్ బోస్మాన్ మరణంతో అతని అభిమానులు ఒక్కసారిగా షాక్‌కి గురయ్యారు. క్యాన్సర్ ఉన్నా కూడా చాడ్విక్ షూటింగ్స్ లలో పాల్గొన్నాడు. గత నాలుగేళ్లుగా అతను ఎవరికి తెలియకుండా ట్రీట్మెంట్ తీసుకుంటున్నట్లు తెలుస్తోంది. చాడ్విక్ బోస్మాన్, మార్వెల్ చిత్రం బ్లాక్ పాంథర్ లో సూపర్ హీరోగా కనిపించి ఎంతగానో గుర్తింపు దక్కించుకున్నాడు.
