ప్రపంచాన్ని వణికిస్తున్న కరోనా వైరస్ ఎవ్వరిని వదిలిపెట్టడం లేదు. ఎంత జాగ్రత్తగా ఉన్నా కూడా ఊహించని విధంగా కాటు వేస్తోంది. ఇటీవల కాలంలో స్టార్ సెలబ్రెటీస్ కూడా కరోనా వైరస్ భారిన పడిన విషయం తెలిసిందే. ఇక రీసెంట్ గా బుల్లితెర కమెడియన్ బిత్తిరి సత్తికి కూడా కరోనా వైరస్ సోకినట్లు తెలుస్తోంది.
తీన్ మార్ వార్తలతో తనకంటూ ఒక ప్రత్యేకమైన క్రేజ్ అందుకున్న సత్తి అనంతరం టీవీ9 లో కొనసాగిన విషయం తెలిసిందే. ఇక ప్రస్తుతం సాక్షి టీవీలో స్థిరపడిన సత్తి అనుకోకుండా కరోనా వైరస్ భారిన పడ్డాడు. ఇటీవల షూటింగ్ లోనే సత్తికి వైరస్ సోకినట్లు తెలుస్తోంది. కొంత అనారోగ్యంతో ఉండగా పరీక్షలు నిర్వహికచుకున్న సత్తికి పాజిటివ్ అని తెలియగానే అధికారులు క్వారంటైన్ కి తరలించారు. బిత్తిరి సత్తి కుటుంబ సభ్యులు కూడా ప్రస్తుతం క్వారంటైన్ లోనే ఉన్నట్లు తెలుస్తోంది.
