బాలీవుడ్ లో ప్రస్తుతం నెపోటిజమ్ విమర్శలు ఎదుర్కొంటున్న కొంతమంది స్టార్స్ ఇప్పట్లో బయటకు రాకుంటేనే బెటర్ అనిపిస్తోంది. సుశాంత్ మృతికి గల అసలు కారణం తెలిసేవరకు నెపోటిజమ్ విమర్శల డోస్ తగ్గేలా కనిపించడం లేదు. హాట్ బ్యూటీ అలియా భట్ ఇటీవల తన సడక్ 2 సినిమాతో సక్సెస్ అందుకోవాలని ఎంతగానో ట్రై చేసింది. కానీ ఒక విధంగా ట్రైలర్ తోనే దారుణమైన దెబ్బ పడింది.
జనాలు వారి మీద ఏ స్థాయిలో కోపంతో ఉన్నారో ఈజీగా అర్ధమయ్యింది. ఇక రీసెంట్ గా హాట్ స్టార్ లోనే సినిమా విడుదల కాగా సినీ ప్రేక్షకులు ప్రముఖ IMDB లో రేటింగ్ 1.1 వేయడం అందరిని షాక్ కి గురి చేసింది. సినిమా ఏ మాత్రం బాగాలేదని సోషల్ మీడియాలో రివ్యూలు గట్టిగానే వస్తున్నాయి. దాదాపు 20 ఏళ్ళ అనంతరం సడక్ కి సీక్వెల్ గా వచ్చిన సినిమాను ఈ విధంగా ఎవరైనా తీస్తారా అంటూ కామెంట్స్ కూడా చేస్తున్నారు. హాట్ స్టార్ లో విడుదల చేసినందుకు కూడా ఆ కంపెనీపై కొన్ని విమర్శలు వచ్చాయి. సుశాంత్ పై అభిమానం ఉన్నవాళ్లు ఆ యాప్ అన్ ఇన్స్టాల్ చేయాలనే వాదనలు కూడా వచ్చాయి. ఇక మొత్తానికి సడక్ 2 షాక్ ఇవ్వడంతో అలియా భవిష్యత్తుపై పలు అనుమానాలు వ్యక్తమవుతున్నాయి.
