నటి అనుష్క శర్మ, క్రికెటర్ విరాట్ కోహ్లీ ఇప్పుడే సోషల్ మీడియాలో అభిమానులకు ఒక గుడ్ న్యూస్ చెప్పారు. ఇక నుంచి మా సంఖ్య ఎక్కువ కాబోతోంది అంటూ.. “ఆపై మేము ముగ్గురు,” అని వివరణ ఇవ్వడం వైరల్ గా మారింది. బేబీ 2021 జనవరిలో రనున్నట్లు క్లారిటీ ఇవ్వడంతో సోషల్ మీడియాలో స్టార్ సెలబ్రెటీలు అలాగే అభిమానులు విషెస్ అందిస్తున్నారు.
టీమిండియా కెప్టెన్ గా కొనసాగుతున్న విరాట్ కోహ్లీ అనుష్కను 2017లో వివాహం చేసుకున్న విషయం తెలిసిందే. కొన్నేళ్ల డేటింగ్ లో మునిగి తేలిన ఈ జంట పెళ్లి చేసుకున్న తరువాత కూడా కొన్ని రూమర్స్ ని ఎదుర్కోవాల్సి వచ్చింది. అనుష్క తల్లి కాబోతున్నట్లు గతంలోనే చాలా సార్లు రూమర్స్ వచ్చాయి. కానీ అందులో ఎలాంటి నిజం లేదని ఎప్పటికప్పుడు వారు క్లారిటీ ఇచ్చే ప్రయత్నం చేశారు. ఇక ఈ సారి రూమర్స్ డోస్ పెరగకముందే విరుష్క లైఫ్ లోకి మరొక బేబి రానున్నట్లు అధికారికంగా తెలియజేశారు.
