అనుష్క శర్మ, విరాట్ కోహ్లీ బిడ్డకు జన్మనివ్వబోతున్నట్లు ఇటీవల సోషల్ మీడియాలో తెలిపిన విషయం తెలిసిందే. అయితే వారు ఆ న్యూస్ చెప్పగానే అందుకు సంబంధించిన పోస్ట్ ఇంటర్నెట్ వరల్డ్ లో ఒక్కసారిగా తుఫాను క్రియేట్ చేసింది. విరాట్ అనుష్క ఫోటో కూడా నెవర్ బిఫోర్ అనేలా వైరల్ అయ్యింది. ఇక రాబోయే ఐపీఎల్ షెడ్యూల్ సాధన కోసం భారత క్రికెటర్లు ప్రస్తుతం దుబాయ్‌లో ఉన్న విషయం తెలిసిందే.
ఇక ప్రాక్టీస్ మ్యాచ్ ను ప్రారంభించడానికి ముందు, రాయల్ ఛాలెంజర్స్ బెంగళూరు జట్టు ఒక చిన్న వేడుకతో విరుష్క జోడికి సర్ ప్రైజ్ ఇచ్చింది. ఇద్దరి చేత కేక్ కట్ చేయించి మొదటిసారి తల్లిదండ్రులు అవుతున్న సందర్భంగా శుభాకాంక్షలు తెలియజేశారు. ఇక బేబి బంప్ కనిపించకుండా అనుష్క శర్మ సింపుల్ డ్రెస్ తో కనిపించగా విరాట్ వైట్ టీ షర్ట్ లో కనిపించాడు. ఇద్దరు కూడా ఒకరిచేత మరొకరు కేక్ తినిపించుకొని వారి ప్రేమను షేర్ చేసుకున్నారు. ప్రస్తుతం అందుకు సంబంధించిన ఫొటోలు కూడా సోషల్ మీడియాలో వైరల్ అవుతున్నాయి.
