శ్రీ శంకు చక్ర ఫిలిమ్స్ పతాకంపై వివ్యశాంత్, శేఖర్ వర్మ హీరో హీరోయిన్లుగా.. దేవ్ గిల్ ప్రధాన పాత్రలో నటించగా ప్రేమ్ ఆర్యన్ ను దర్శకుడిగా పరిచయం చేస్తూ.. మాస్టర్ టి హర్షిత్ సాయి సమర్పణలో కోటి తూముల, A.జగన్మోహన్ రెడ్డి సంయుక్తంగా నిర్మించిన చిత్రం అంగుళీక. ఈ చిత్రం అన్ని కార్య‌క్ర‌మాలు పూర్తి చేసుకుని ఈ నెల విడుదలకు సిద్ధ‌మైంది. ఈ సందర్భంగా “గతేడాది అన్ని హంగులు పూర్తి చేసుకుని విడుదలకు ముస్తాబవగా కోవిడ్ నేపథ్యంలో థియేటర్లు మూత పడటంతో సినిమా విడుదలను వాయిదా వేయడం జరిగింది. ప్రస్తుతం ఈనెల 26వ తేదీన వరల్డ్ వైడ్ గా గ్రాండ్ గా రిలీజ్ చేయబోతున్నాం. గ్రాఫిక్స్ ప్రధానంగా తెరకెక్కిన మా చిత్రంలో కమర్షియల్ గా అన్ని హంగులు ఉంటాయని చిత్ర నిర్మాత కోటి తూముల ఈ సందర్భంగా తెలియజేశారు.
ఈచిత్రం సూర్యభగవానుని అంశతో జన్మించిన అమ్మాయికి.. కాల చక్రాన్ని దూషిస్తూ ఎదురు తిరిగిన దుష్ట శక్తికి మధ్య జరిగిన పోరాటమే మా చిత్ర కథాంశం అని చిత్ర దర్శకుడు ప్రేమ్ ఆర్యన్ తెలిపారు. కోటేశ్వరరావు, మేకా రామకృష్ణ, పంకజ్, జయవాణి, వేణు, జబర్దస్త్ అవినాష్ తదితరులు ఈ సినిమాలో నటించారు.
