బాలీవుడ్ బ్యూటీ అలియా భట్ నవంబర్ 2 నుంచి ఆర్ఆర్ఆర్ సెట్స్‌లో చేరనున్నారు. బాలీవుడ్ సినిమాలతో ఈ నటి బిజీగా ఉండడం వలన ఎస్ఎస్ రాజమౌళి అండ్ టీమ్ ఆమెకు సంబంధించిన సీన్స్ ని వీలైనంత త్వరగా పూర్తి చేయడానికి ప్రణాళికలు సిద్ధం చేస్తోంది. బాలీవుడ్ మీడియా నుండి వచ్చిన కథనాల ప్రకారం అలియా భట్ ఆర్ఆర్ఆర్ కోసం ఒక పాట కూడా పాడే అవకాశం ఉందట. హైవే మరియు హంప్టీ శర్మ కి దుల్హానియా చిత్రాలలో తన గొంతును వినిపించిన విషయం తెలిసిందే.
కేవలం ఒక హిందీ వెర్షన్ మాత్రమే పాడనున్నట్లు తెలుస్తోంది. అలియా ఇప్పటికే ఆర్ఆర్ఆర్ కోసం స్పెషల్ గా తెలుగు భాషను నేర్చుకుంది. ఏక్ ఆర్ఆర్ఆర్ లో ఆమె పాత్ర కోసం సొంతంగా డబ్బింగ్ చెప్పుకునేందుకు ట్రై చేస్తోందని టాక్. అలాగే సినిమాలో అలియాకు కొన్ని కీలకమైన సన్నివేశాల్లో ఉన్నాయట. ఆమె రామ్ చరణ్ తో ఒక పాటలో కూడా చాలా స్పెషల్ గా కనిపిస్తుందని సమాచారం. ప్రస్తుతం ఆర్ఆర్ఆర్ షూట్ హైదరాబాద్‌లో జరుగుతోంది. ఈ బిగ్ బడ్జెట్ ప్రాజెక్ట్ 2022 లో విడుదల కానుంది. డివివి.దానయ్య ఈ సినిమాను నిర్మిస్తున్న విషయం తెలిసిందే.
