అక్కినేని ఫ్యామిలీ హీరోలందరూ నటించిన మనం సినిమా ఎంత పెద్ద విజయం సాధించిందో మనందరికీ తెలిసిందే. అక్కినేని నాగేశ్వరరావు నటించిన చివరి సినిమా ఇదే కావడంతో గమనార్హం. ఇందులో నాగార్జున, నాగచైతన్య, అఖిల్ కలిసి నటించారు. విక్రమ్ కె కుమార్ తెరకెక్కించిన ఈ సినిమా 2014లో విడుదలై బ్లాక్ బస్టర్‌గా నిలిచింది. తెలుగు సినిమా చరిత్రలోనే అది పెద్ద మల్టీస్టారర్ సినిమా ఇదే.
అయితే అక్కినేని ఫ్యామిలీ నుంచి మరో మల్టీస్టారర్ సినిమా రాబోతుందని గత కొద్దిరోజులుగా సినీ సర్కిల్స్‌లో ప్రచారం జరుగుతోంది. ఈ సినిమాలో నాగార్జున, నాగచైతన్య, అఖిల్ కలిసి నటిస్తారని వార్తలు వస్తున్నాయి. ఇప్పటికే కథ కూడా ఓకే అయిందని, త్వరలోనే దీనికి సంబంధించిన అధికారిక ప్రకటన రాబోతుందని తెలుస్తోంది. నాగార్జున హీరోగా నటించిన సోగ్గాడే చిన్ననాయన సూపర్ హిట్ అయింది. ఈ సినిమాకు సీక్వెల్ తీయాలని డైరెక్టర్ కల్యాణ్ కృష్ణ కథను సిద్ధం చేసుకున్నాడు.
ఇందులో నాగార్జునతో పాటు నాగచైతన్య, అఖిల్ నటించనున్నారని సమాచారం. ప్రస్తుతం నాగార్జున వైల్డ్ డాగ్ సినిమా చేస్తున్నాడు. ఈ సినిమా షూటింగ్ దాదాపుగా పూర్తి కావొచ్చింది. ఇది పూర్తైన తర్వాత ఈ మాల్టీస్టారర్ సినిమా తెరకెక్కనుందని సమాచారం.
