రెబల్ స్టార్ ప్రభాస్ ప్రస్తుతం రాదేశ్యామ్ సినిమాతో బిజీగా ఉన్న విషయం తెలిసిందే. ఇటలీలో జరుగుతున్న ఆ సినిమా షూటింగ్ మరికొన్ని రోజుల్లో పూర్తయ్యే అవకాశం అవకాశం ఉంది. ఇక సినిమా తరువాత ప్రభాస్ పూర్తిగా ఆది పురుష్ సినిమాతో బిజీ కానున్నాడు. బాలీవుడ్ స్టార్ డైరెక్టర్ ఓం రావత్ తెరకెక్కించనున్న ఆ సినిమా జనవరిలో సెట్స్ పైకి వెళ్లనుంది.
అసలు విషయంలోకి వస్తే సినిమాకు సంబంధించిన ఒక ముఖ్యమైన పాత్ర కోసం మరో బాలీవుడ్ స్టార్ ని సెలక్ట్ చేసుకోబోతున్నట్లు తెలుస్తోంది. ఇప్పటికే రావణుడి పాత్ర కోసం సైఫ్ అలీ ఖాన్ ని ఫిక్స్ చేశారు. ఇక శివుని పాత్ర కోసం అజయ్ దేవ్ గన్ ని ఫైనల్ చేసినట్లు తెలుస్తోంది. అజయ్ RRR సినిమాలో కూడా నటిస్తున్న విషయం తెలిసిందే. తెలుగు హీరోల సినిమాల్లో ఈ స్టార్ హీరో సపోర్టింగ్ రోల్స్ చేస్తున్నాడు అంటే సినిమాకి ఏ స్థాయిలో గౌరవం ఇస్తున్నాడో అర్థం చేసుకోవచ్చు. మరి భవిష్యత్తులో డైరెక్ట్ గా తెలుగు సినిమాలు చేస్తాడేమో చూడాలి.
